FLiRT Covid Variant | कोरोनाचा नवीन व्हेरिएंट समोर ! जाणून घ्या लक्षणे आणि संभवणारा धोका

FLiRT Covid Variant | काही वर्षांपूर्वी संपूर्ण जगात कोरोना आला आणि संपूर्ण जग धोक्यात आले. आता कुठे कोरोनाची (FLiRT Covid Variant) भीती बंद झाली होती. तर आता पुन्हा एकदा या कोरोनामुळे जगाची चिंता वाढली आहे. कारण आता कोरोना व्हायरस KP.2 चे नवीन प्रकार भारतात आलेला आहे. याला FLiRT असे नाव देण्यात आलेले आहे. ब्रिटन, अमेरिका आणि दक्षिण कोरियामध्ये देखील कोविडची ही वाईट वाढती प्रकरण या प्रकाराची जोडली जात आहेत.

KP.2 हा प्रकार काय आहे ? | FLiRT Covid Variant

हाती आलेल्या माहितीनुसार KP.2 हे JN.1 प्रकारातील आहे. हे ओमीक्रॉनचे उपप्रकार आहे. यामध्ये नवीन जनुकीय बदल झालेले दिसून येत आहेत. त्यामुळे या दोन रोगप्रतिकारक जणूकीय बदलांच्या अक्षरांवर आधारित याला असे नाव देण्यात आलेले आहे.

भारतात परिस्थिती कशी आहे ?

INSACOG यांच्याद्वारे केलेल्या 250 KP.2 JN. 1 सिक्वेन्सिंगपैकी 128 सिक्वेन्स महाराष्ट्रात होते. त्याचप्रमाणे मार्चमध्ये सर्वात सिक्वेन्स आढळून आल्याचे बोलले जात आहे. त्याचप्रमाणे जागतिक आकडेवारीनुसार असे समोर आलेले आहे की, भारत या जगातील सर्वात KP.2 सिक्वेन्सिंगची नोंद करत आहे. गेल्या सात दिवसात भारताने अपलोड केलेल्या एकूण डाटापैकी 29 टक्के डाटा आहात. KP.2 चा होता. 14 मे रोजी भारतात कोविडची 679 प्रकरणी सक्रिय होती.

KP.2 मुळे कोणते गंभीर आजार होऊ शकतात

या नवीन व्हेरियंटमध्ये (FLiRT Covid Variant) पूर्वीच्या संसर्ग आणि पूर्वीच्या लसीपासून मिळालेली प्रतिकारशक्ती टाळण्याची देखील शक्यता आहे. त्यामुळे सगळे तज्ञ याकडे गांभीर्याने लक्ष देत आहेत. परंतु अशोका विद्यापीठातीलत्रिवेदी स्कूल ऑफ बायोसायन्ससचे डीन डॉक्टर अनुराग अग्रवाल यांनी सांगितले की, याबाबत काळजी करण्याची कोणतेही कारण नाही. असे जनुकीय बदल यापूर्वी देखील झालेले आहेत.

लक्षणे काय आहेत ?

याचा संसर्ग झालेल्या लोकांना चव आणि वास कमी येतो. त्याचप्रमाणे सर्दी, खोकला, घसा दुखणे, नाक बंद होणे, नाक वाहने, डोकेदुखी, स्नायू दुखी, थकवा यांसारखी लक्षणे प्रामुख्याने दिसून येतात.