Fog Safety Device : आपण गाडी चालवत असताना ज्याप्रमाणे आपल्यावर ऊन , पाऊस आणि धुक्याचा परिणाम होत असतो अगदी याच प्रमाणे रेल्वे च्या ड्रायव्हर ला होत असते. विशेषतः हिवाळ्याच्या दिवसात हे प्रमाण अधिक वाढते. रेल्वेचा प्रवास २४ तास सुरु असतो. त्यामुळे रेल्वे कर्मचाऱ्यांना डोळ्यात तेल घालून काम करावे लागते. अशा स्थितीत एक चांगली बातमी असून सुरक्षित रेल्वे संचालनासाठी दक्षिण-पूर्व-मध्य रेल्वेने धुके सुरक्षित करणारी ९३३ (फॉग सेफ्टी डिवाईस)उपकरणे बसविली आहेत. हे उपकरण धुके, पाऊस किंवा सूर्यप्रकाशापासून (Fog Safety Device) संरक्षण करते.
दक्षिण-पूर्व-मध्य रेल्वे भौगोलिकदृष्ट्या विविध भागात पसरलेली आहे. घनदाट जंगले आणि डोंगराळ भागातून रेल्वे जाते. हिवाळ्यात दाट धुके तयार होतात. धुके टाळण्यासाठी आणि लोको पायलटला सक्षम करण्यासाठी ही उपकरणे खास तयार(Fog Safety Device) केली गेली आहेत. फॉग सेफ्टी डिव्हाईस ही जीपीएस आधारित नेव्हिगेशन प्रणाली आहे.
काय आहेत फायदे ?(Fog Safety Device)
- लोको पायलटला मार्गदर्शन आणि अचूक नेव्हिगेशन प्रदान करते.
- या डिव्हाईसमुळे सिग्नल, लेव्हल क्रासिंग गेट अचूक पास करता येते.
- न्युट्रल सेक्शन आदींची माहिती वेळेवर उपलब्ध होते.
- भौगोलिक क्रमानुसार पुढे येणाऱ्या तीन स्थळांची सुमारे ५०० मीटर अंतरापर्यंत माहिती मिळते.
- हे उपकरण पोर्टेबल आकाराने कॉम्पॅक्ट आहे. फॉग सेफ्टी डिव्हाईस हे बॅटरीवर चालणारे यंत्र आहे. यंत्र ट्रेनच्या इंजिनमध्ये ठेवले जाते.
- १८ तासांसाठी इन-बिल्ट रिचार्जेबल बॅटरी बॅकअप श येते .
- क्रॉसिंग सिग्नल माहितीची नोंद(Fog Safety Device)
क्रॉसिंग सिग्नल आणि रेल्वे स्थानकांची माहिती आधीच नोंदवली जाते. हे उपकरण लोको पायलटला सिग्नल, लेव्हल क्रॉसिंग गेट्स (मानवयुक्त आणि मानवरहित), तटस्थ विभाग इत्यादींबद्दल माहिती आधीपासूनच फिडींग असते. या उपकरणात (Fog Safety Device)अँटेना असतो, जो इंजिनच्या वरच्या भागावर स्थिर असतो. तो सिग्नल प्राप्त करतो. याव्यतिरिक्त, यात मेमरी चीप आहे ज्यामध्ये रेल्वे मार्गाची संपूर्ण माहिती दिली जाते.