मुंबई । मराठीतला अष्टपैलू अभिनेता सुबोध भावे सोशल मीडियाचा कंटाळा आल्याचे सांगत ट्विटरला रामराम ठोकला आहे. त्याने आज शेवटचं ट्वीट करत याची माहिती दिली. बुधवारी दुपारी ट्विटरवर एक पोस्ट टाकून सुबोधने आपल्या भावनांना वाट करून दिली. या पोस्टमध्ये कुणाचाही राग नव्हता ना निषेध. केवळ या पोस्टमध्ये आपण ट्विटरला रामराम ठोकत असल्याचं त्यानं अत्यंत नम्रपणे सांगितलं. आपल्या सर्वांचं प्रेम आणि आशीर्वाद मिळाले त्याबद्दल धन्यवाद. मी माझं ट्विटर अकाऊंट डीलीट करतो आहे. काळजी घ्या! अशा आशयाची पोस्ट सुबोधने दुपारी टाकली आणि त्याच्या चाहत्यांच्या मनात प्रश्नचिन्ह उभं राहिलं.
https://twitter.com/subodhbhave/status/1308693660452532226?s=20
सुबोधच्या फॉलोअर्सची ट्विटरवरची संख्या आहे 94 हजारांच्या असून त्याचे चाहते त्याच्या ट्विटला नेहमीच प्रदिसत देतात. असं असताना सुबोधने आपलं अकाऊंट बंद करण्याचा निर्णय घेतला. एका वृत्तवाहिनीशी याबद्दल सुबोध म्हणाला, ”मी ट्विटरवरून बाहेर पडण्याचं विशेष असं काहीच कारण नाही. पण मला त्याचा कंटाळा आला आहे. तो वेळ मी इतरत्र कुठेतरी घालवू शकेन असं मला वाटतं. त्यामुळे मी ट्विटर सोडतोय. फेसबुक आणि इन्स्टाबाबत मला इतक्यात काही सांगता येणार नाही. कदाचित फेसबुकबद्दलही मी निर्णय घेऊ शकतो. पण आत्ता मी ट्विटरवरून बाहेर पडतोय.”
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.