मुंबई । राज्यात येत्या दोन-तीन महिन्यात राज्यात आपलं सरकार येईल, असं भाकीत या भाजप नेते रावसाहेब दानवे (raosaheb danve) यांनी केलं होतं. त्यांच्या या भाकिताची राष्ट्रवादीचे अध्यक्ष शरद पवार (sharad pawar) यांनी टर उडवली आहे. दानवे हे ज्योतिष शास्त्राचे जाणकार असल्याचा आणि उद्याचे चित्रं सांगण्याचा त्यांचा हा गुण मला माहीत नव्हता, असा चिमटा शरद पवार यांनी रावसाहेब दानवे काढला आहे.
माजी मंत्री जयसिंग गायकवाड यांनी भाजपला सोडचिठ्ठी देऊन आज राष्ट्रवादीत प्रवेश केला. या पक्षप्रवेशावेळी शरद पवार प्रसारमाध्यमांशी बोलत होते. रावसाहेब दानवे यांनी अनेक वर्षे विधीमंडळात काम केलं. उद्याचं चित्रं सांगण्याचा त्यांचा हा गुण मला माहीत नव्हता. ते ज्योतिषशास्त्राचे जाणकार आहेत हे सुद्धा माहीत नव्हते, असं शरद पवार म्हणाले.
दानवे यांनी काल दोन महिन्यात पुन्हा भाजपचं सरकार येणार असल्याचं वक्तव्य केलं होतं. त्यावरून पवारांनी त्यांना टोला लगावला. यावेळी पवारांनी विरोधी पक्षनेते देवेंद्र फडणवीस यांच्यावरही टीका केली. सत्ता गेल्यामुळे त्रास होत असल्याने फडणीस सारखं बोलत असतात. त्यामुळेच त्यांनी मी पुन्हा येईल, मी पुन्हा येईल असं वारंवार बोलावं लागतं, असा टोलाही त्यांनी लगावला. (ncp leader sharad pawar taunt raosaheb danve)
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’