Ganesh puja 2025 : गणपतीची पूजा करताना कधीही करू नका ‘या’ चुका

हॅलो महाराष्ट्र ऑनलाईन Ganesh puja 2025 । येत्या २७ ऑगस्टला गणेशोत्सव सुरु होणार असून गणरायाच्या स्वागतासाठी सर्वच जण उत्सुक आहेत. काही जणांच्या घरात दीड दिवसाचा गणपती असतो, काही लोक ५ दिवसासाठी गणपती आपल्या घरी आणतात तर काही जणांच्या घरी १० दिवस बाप्पा विराजमान होत असतात. या काळात गणरायासाठी खास अशी आरास केली जाते. त्यांची मनोभावे पूजा केली जाते. सकाळ संध्याकाळ आरती म्हंटली आहे. आणि गणपती बाप्पासाठी प्रसाद बनवला जातो. परंतु हे सगळं करत असताना काही गोष्टींची काळजी घेणं खूपच गरजेचं आहे. खास करून गणपती बाप्पाच्या पूजेवेळी काही चुका टाळाव्या.

कोणकोणत्या गोष्टी टाळाव्या ? Ganesh puja 2025

अशुद्ध वस्तूंचा वापर-

गणपतीच्या पूजेसाठी वापरण्यात येणाऱ्या वस्तू स्वच्छ आणि पवित्र असल्या पाहिजे. अस्वच्छ किंवा अपवित्र वस्तूंचा वापर करणे अशुभ मानले जाते. त्यामुळे स्वच्छता हि तुम्हाला सर्वात आधी पाळावी लागेल.

तुळशीची पाने –

शास्त्रांनुसार, गणेश स्थापनेच्या पहिल्या दिवशी बाप्पाला तुळशीची पाने वाहिली जातात. पण त्यानंतरची नऊ दिवस गणरायाला तुळशी पाने वाहू नयेत असे मानले जाते. इतर दिवशी फक्त दुर्वा वाहावी.

नकारात्मक ऊर्जा टाळा –

गणपतीच्या पूजेला बसल्यानंतर नकारात्मक विचार करणे टाळावे. सकारात्मक विचाराने आणि आनंदी मनाने गणपतीची पूजा करावी. Ganesh puja 2025

तुटलेला तांदूळ वापरू नये –

गणरायाच्या पूजेवेळी अक्षता अर्पण करताना कधीही तुटलेला तांदूळ वापरू नये… असा तांदूळ वापरणे अशुभ मानले जाते. म्हणून पूजेवेळी नेहमी अखंड तांदूळ वापरा.

ताजी फुले वापरा –

श्रीगणेशाच्या पूजेसाठी नेहमी स्वच्छ आणि ताजी फुले वापरावीत. शिळ्या फुलांचा वापर चुकूनही करू नये.

मांसाहार करू नका –

गणेशोत्सवाच्या काळात चुकूनही मांसाहार करू नये.. मांसाहार करून पूजेला बसने सर्वात मोठं पाप मानलं जाते.

गणरायाच्या आधी जेवू नये –

आपल्या घरात गणपती असताना कधीही त्याला नैवेद्य दाखवायच्या आत स्वतः जेवण करू नये….. आधी गणरायाला नैवेद्य दाखवावा आणि नंतरच तुम्ही भोजन करा.

नैवेद्य योग्य असावा –

गणपतीला मोदक, लाडू आणि फळे यांचा नैवेद्य दाखवावा. इतर कोणत्याही वस्तूंचा नैवेद्य दाखवणे योग्य मानले जात नाही.