हॅलो महाराष्ट्र ऑनलाईन Ganeshotsav 2025। यंदा २७ ऑगस्टला गणेशोत्सव असून सर्वत्र गणपतीच्या आगमनाची तयारी सुरु आहे. महाराष्ट्रात घरगुती गणपती सोबतच मोठमोठ्या मंडळात गणेशोत्सव मोठ्या उत्साहाने साजरा केला जातो. त्यातच आता महाराष्ट्र सरकारने यंदाचा गणेशोत्सव आणखी चांगला व्हावा यासाठी एक नवीन स्पर्धा आयोजित केली आहे. सांस्कृतिक कार्य विभाग आणि पु. एल. देशपांडे महाराष्ट्र कला अकादमीने नोंदणीकृत संस्था आणि परवानाधारक सार्वजनिक गणेश मंडळांसाठी “महाराष्ट्र राज्य सर्वोत्कृष्ट सार्वजनिक गणेश मंडळ स्पर्धा २०२५” (Maharashtra State Best Public Ganesh Mandal 2025) जाहीर केली आहे. या स्पर्धेसाठी २० जुलै ते २० ऑगस्ट २०२५ पर्यंत ऑनलाइन अर्ज सादर करता येतील.
अर्ज करण्यासाठी कोणतेही शुल्क आकारण्यात आलेलं नाही. तुम्ही अगदी मोफत अर्ज करू शकता. खरं तर . या स्पर्धेचे उद्दिष्ट (Ganeshotsav 2025) सांस्कृतिक कार्यक्रमांचे आयोजन, वारसा आणि किल्ल्यांचे जतन आणि संवर्धन, राष्ट्रीय आणि राज्य स्मारकांबद्दल जागरूकता निर्माण करणे, पर्यावरणपूरक मूर्ती आणि सजावटीद्वारे पर्यावरण संवर्धन, ध्वनीमुक्त उत्सव आणि समाजकल्याणकारी उपक्रम यासारख्या उपक्रमांना मान्यता देणे आणि प्रोत्साहन देणे आहे. या निकषांवर आधारित मंडळांचे मूल्यांकन केले जाईल.
कशी होईल निवड? Ganeshotsav 2025
२७ ऑगस्टपासून सुरू होणाऱ्या गणेशोत्सवादरम्यान, संबंधित जिल्हाधिकारी कार्यालयांनी स्थापन केलेल्या जिल्हास्तरीय समित्या सहभागी मंडळांना भेट देऊन त्यांचे मूल्यांकन करतील. या मूल्यांकनांमधून मिळालेल्या शिफारसी राज्यस्तरीय मूल्यांकनासाठी पाठवल्या जातील. पुणे, मुंबई, मुंबई उपनगर आणि ठाणे जिल्ह्यातील प्रत्येकी तीन मंडळे आणि इतर प्रत्येक जिल्ह्यातून एक यानुसार एकूण 44 शिफारसी राज्यस्तरीय परीक्षणासाठी स्वीकारल्या जातील. Ganeshotsav 2025
अर्ज कुठे आणि कसा कराल?
तुम्हला अकॅडमीच्या वेबसाइटवर उपलब्ध असलेल्या ऑनलाइन पोर्टलद्वारे अर्ज सादर करावा लागेल. किंवा अधिक माहिती जाणून घ्यायची असेल तर मंडळांनी त्यांच्या जिल्हाधिकाऱ्यांच्या कार्यालयाशी संपर्क साधावा.
बक्षीस किती?
राज्यस्तरीय स्पर्धेत, पहिल्या ३ विजेत्यांना अनुक्रमे ५ लाख, २.५ लाख आणि १ लाख रुपये बक्षीस आणि प्रमाणपत्र मिळेल तर जिल्हास्तरीय प्रथम क्रमांकाच्या विजेत्यांना २५,००० रुपये आणि प्रमाणपत्रे मिळतील. या स्पर्धेत जास्तीत जास्त संख्येने सहभाग नोंदवण्याचे आवाहनही सांस्कृतिक कार्यमंत्री आशिष शेलार यांनी केले आहे.
