नवी दिल्ली । काँग्रेसचे ज्येष्ठ नेते व माजी खासदार गुरुदास कामत यांचे आज सकाळी दिल्ली येथे हृदयविकाराच्या तीव्र झटक्याने निधन झाले. ते ६३ वर्षांचे होते. चाणक्यपुरीतील प्रायमस रुग्णालयात त्यांनी अखेरचा श्वास घेतला. मुंबई काँग्रेसच्या उभारणीत त्यांचं महत्वाचं योगदान राहिलं होतं. सोनिया गांधी व राहुल गांधी यांचे ते निकटवर्ती मानले जात. महाराष्ट्रानंतर काँग्रेसने त्यांच्यावर राजस्थान, गुजरात, दीव-दमण या राज्यांची जबाबदारी दिली होती.
विद्यार्थी चळवळीमधील कामाच्या अनुभवाचा फायदा त्यांना एनएसयुआयच्या विस्तारामध्ये झाला. त्यांची ४ वेळा लोकसभेच्या खासदारपदी निवड झाली होती. युपीए २ च्या मंत्रिमंडळात त्यांनी केंद्रीय गृहराज्यमंत्री व दूरसंचार मंत्री म्हणूनही काम केले होते. मागील काही वर्षांत संजय निरुपम यांच्याशी त्यांचे असलेले वाद चर्चेचा विषय होते.
जीवनपट –
१९८०– महाराष्ट्र प्रदेश युथ काँग्रेसचे सरचिटणीस
१९८४ – महाराष्ट्र प्रदेश युथ काँग्रेसचे अध्यक्ष
१९८४, १९९१, १९९८ आणि २००४ – ईशान्य मुंबई मतदारसंघातून लोकसभेवर
२००९– मध्येही मुंबईतील लोकसभेच्या उत्तर पश्चिम मतदारसंघातून खासदार
२००९ ते २०११ – आघाडी सरकारमध्ये केंद्रीय गृहराज्यमंत्री पदी वर्णी
२०१४ – लोकसभा निवडणुकीत पराभव
२०१७– काँग्रेस पासून अलिप्त, सर्व पदांचा राजीनामा.