Health Tips Monsoon : सध्या देशातील काही राज्यांमध्ये खूप जास्त पाऊस पडत आहे. पावसाळ्यात हवामानातील बदलामुळे रोगप्रतिकारक शक्तीही कमकुवत होते, त्यामुळे विषाणू आणि संसर्ग होण्याचा धोका वाढतो. यावेळी रुग्णालयांमध्ये फ्लू, ताप, टायफॉइड, डायरियाच्या रुग्णांची संख्याही वाढू लागली आहे. डॉक्टरांच्या म्हणण्यानुसार, पावसाळ्यात संसर्ग आणि डासांमुळे होणारे आजार जास्त असतात.
या अशा वेळी पावसाळ्याचा आनंद लुटण्यासोबतच आरोग्याची काळजी (Health Tips Monsoon) घेणेही खूप गरजेचे आहे. तसेच रोगप्रतिकारक शक्ती मजबूत करण्यासाठी आहारात काही गोष्टींचा समावेश केला जाऊ शकतो आणि या ऋतूतही तुम्ही निरोगी राहू शकता. कोणत्या आहेत या गोष्टी जाणून घेऊया पुढीलप्रमाणे…
1. तुळशी –
तुळशीला आयुर्वेदिक औषधी वनस्पती म्हणून ओळखले जाते. पावसाळ्यात अनेक आजारांचा धोका असतो. तुळशीची पाने केवळ रोगच बरे करत नाहीत तर रोगप्रतिकारशक्ती मजबूत करण्यासही मदत करतात. तुम्हाला हवे असल्यास तुम्ही तुळशीची पाने थेट खाऊ शकता किंवा हर्बल टी, सूपमध्येही खाऊ शकता. तुळशीची पाने खाल्ल्याने तुमची देखील रोगप्रतिकारक शक्ती मजबूत होईल.
2. आले – (Health Tips Monsoon)
आल्यामध्ये जिंजेरॉल, पॅराडोल्स, सेस्क्युटरपेन्स, शोगाओल्स आणि झिंगेरोन भरपूर प्रमाणात असतात, या सर्वांमध्ये शक्तिशाली अँटिऑक्सिडेंट गुणधर्म असतात. याचा उपयोग सर्वात जास्त सर्दी आणि फ्लूमध्ये केला जातो.
3. काळी मिरी –
काळ्या मिरीमध्ये पाइपरिन नावाचे घटक आढळतात ज्यामध्ये अँटिऑक्सिडेंट आणि प्रतिजैविक गुणधर्म असतात. जेवणाची चव वाढवण्यासोबतच ते आरोग्यासाठीही फायदेशीर मानले जाते.
4. कढीपत्ता –
पावसाळ्यात (Health Tips Monsoon) संसर्ग होण्याचा धोका लक्षणीय वाढतो. संसर्ग टाळण्यासाठी आपण कढीपत्याचा वापर करू शकतो. कढीपत्त्यात अँटीबायोटिक आणि अँटीफंगल गुणधर्म असतात, जे तुम्हाला जंतूंपासून वाचवण्यास मदत करतात. कढीपत्त्यात हायपोग्लायसेमिक गुणधर्म असतात जे साखरेची पातळी कमी करण्याचे काम करतात.
5. लिंबू –
पावसाळ्यात लिंबासारखी आंबट फळे खाल्ल्यास रोगप्रतिकारशक्ती मजबूत राहते. वास्तविक, लिंबूमध्ये व्हिटॅमिन सी भरपूर प्रमाणात असते. हे एक शक्तिशाली अँटिऑक्सिडेंट देखील आहे जे रोगप्रतिकार शक्ती मजबूत ठेवण्यास मदत करते.