हॅलो महाराष्ट्र ऑनलाईन। (Hidden Treasure) आजकाल कधी कुठे काय चमत्कार घडेल? याची काहीही खात्री देता येत नाही. एकेकाळी ज्या माणसासाठी केवळ अन्न, वस्त्र, निवारा इतक्याच मूलभूत गरजा होत्या. त्याच माणसासाठी आज पैसा, सोन, गाड्या, वायफाय, ऐषोआराम हे सगळं काही मूलभूत गरजांपैकी एक झालं आहे. प्रत्येकाला झटपट श्रीमंत व्हायचंय. मग यासाठी बरेच लोक वेगवेगळे पर्याय अवलंबताना दिसतात. कोणी मेहनत करतं तर कोणी दुसऱ्याच्या मेहनतीचं ओरबाडून खातं. पण, तुम्हाला या दोन्ही गोष्टी न करता घबाड सापडलं तर?? होय. आजपर्यंत केवळ गोष्टींमध्ये ऐकलेलं गुप्तधन एका माणसाला खरोखरच सापडल्याची घटना समोर आली आहे. चला याविषयी अधिक माहिती घेऊया.
व्हायरल व्हिडीओ (Hidden Treasure)
लहानपणी तुम्ही अनेक गोष्टी ऐकल्या असतील, जादूच्या, परीच्या गोष्टींमध्ये सोन्याची कुऱ्हाड, धनाचा हंडा, गुप्तधन किंवा इतर मौल्यवान वस्तू सापडल्याचे या गोष्टींमध्ये ऐकले असेल. पण, नुकत्याच समोर आलेल्या एका व्हिडिओमध्ये ही घटना खरोखर घडल्याचे दिसत आहे. सोशल मीडियावर व्हायरल होणाऱ्या या व्हिडिओमध्ये आपण पाहू शकता की, एक व्यक्ती जंगलात जमिनीखाली काहीतरी खोदते आहे. अचानक तिथे मेटल डिटेक्टर बीप वाजवण्यास सुरुवात करतो.
जमिनीखाली एखादा धातू सापडला तरच मेटल डिटेक्टर मधून बीपसारखा आवाज येतो, हे आपण सारेच जाणतो. (Hidden Treasure) अर्थात या जमिनीत काही ना काही धातू असल्याचा संकेत या व्यक्तीस मिळतो. बराच वेळ जमीन खोदत राहिल्यानंतर अचानक या माणसाला तिथे सोन्याच्या काही वस्तू सापडतात. त्यानंतर तो आणखी जमीन खोदतो आणि तेव्हा त्याला आणखी काही दागिने सापडतात. सोशल मीडियावर या घटनेचा व्हिडीओ तुफान व्हायरल होतो आहे.
नेटकऱ्यांच्या प्रतिक्रिया
सोशल मीडियावर व्हायरल होणाऱ्या या व्हिडिओला आतापर्यंत ८ लाखाहून अधिक व्ह्यूज मिळाले आहेत. तर १० हजाराहून जास्त लोकांनी हा व्हिडिओ लाईक केलाय. ध्यानीमनी नसताना अचानक धन सापडणे ही बाब अनेकांसाठी आश्चर्यकारक ठरली आहे. या व्हिडिओवर केलेल्या कमेंट्समधून या घटनेबाबत त्यांना वाटलेलं आश्चर्य व्यक्त केलं आहे. (Hidden Treasure) काहींनी कमेंट करत या व्यक्तीला नशीबवान म्हटले आहे. तर काहींनी भाग्यवान म्हटले आहे. हा व्हिडिओ सोशल मीडिया इंस्टाग्राम हॅण्डल वर insta_trending_vaieral नावाच्या अकाउंटवरून शेअर करण्यात आला आहे.