हॅलो महाराष्ट्र ऑनलाईन । नोकिया मेकर कंपनी HMD ने भारतीय बाजारात HMD Crest आणि Crest Max नावाचे स्मार्टफोन लाँच केले आहेत. या दोन्ही स्मार्टफोनमध्ये 6.67-इंचाचा FHD डिस्प्ले देण्यात आला असून 50MP सेल्फी कॅमेरा उपलब्ध आहे. दोन्ही मोबाईल एकाच स्टोरेज व्हेरिएन्ट मध्ये लाँच करण्यात आले आहेत. आज आपण या दोन नव्या स्मार्टफोनचे खास फीचर्स, स्पेसिफिकेशन आणि किंमत याबाबत सविस्तर माहिती जाणून घेऊयात
डिस्प्ले –
HMD Crest आणि Crest Max मध्ये 90Hz रिफ्रेश रेटसह 6.67-इंचाचा FHD+ OLED डिस्प्ले देण्यात आला आहे. या डिस्प्लेला गोरिल्ला ग्लासचे संरक्षण मिळते. कंपनीने या दोन्ही स्मार्टफोनमध्ये Unisoc T760 प्रोसेसर वापरला असून हे सँर्टफोन Android 14 वर आधारित ऑपरेटिंग सिस्टीमवर काम करतो . यातील HMD Crest मध्ये 6 जीबी रॅम आणि Crest Max मध्ये 8 जीबी रॅम उपलब्ध आहे. या दोन्ही मोबाईलला 2 वर्षांचे सिक्युरिटी अपडेट्स मिळतील.
कॅमेरा –
मोबाईलच्या कॅमेराबाबत सांगायचं झाल्यास, HMD Crest मध्ये 50MP चा मुख्य कॅमेरा, 2MP चा सेकंडरी कॅमेरा आणि समोरील बाजूला 50MP चा सेल्फी कॅमेरा देण्यात आला. तर Crest Max मध्ये ट्रिपल रियर कॅमेरा सेटअप देण्यात आलाय. यामध्ये 64MP चा मुख्य कॅमेरा, 5MP चा सेकंडरी कॅमेरा आणि 2MP चा मुख्य कॅमेरा आहे. तर सेल्फी आणि विडिओ कॉल साठी समोरील बाजूला 50MP चा फ्रंट कॅमेरा उपलब्ध आहे. पॉवरसाठी मोबाईल मध्ये 5000mAh बॅटरी बसवण्यात आली असून हि बॅटरी 33W फास्ट चार्जिंगला सपोर्ट करते.
किंमत किती?
HMD Crest च्या 6GB रॅम + 128GB स्टोरेज वेरिएंटची किंमत 14,499 रुपये आहे तर Crest Max च्या 8GB रॅम + 256GB स्टोरेज वेरिएंटची किंमत 16,499 रुपये आहे.तुम्ही हे दोन्ही स्मार्टफोन Amazon वरून खरेदी करू शकता.