Drink Alcohol : जगभरात वाईन, बिअर पिणाऱ्यांची संख्या दिवसोंदिवस वाढत आहे. देशात दररोज लाखोंच्या संख्येने लोक दारू पितात. यामागे प्रत्येकाची कारणे वेगवेगळी असू शकतात. मात्र तुमच्यासाठी ही एक वाईट सवय असून जास्त दारूच्या आहारी जाणारे लोक गंभीर आजारांना बळी पडतात.
सध्या तरुणांमध्ये दारू पिण्याचा जणू ट्रेंडच बनत आहे. मोठ्या प्रमाणात बाहेर फिरायला गेल्यानंतर किंवा पार्ट्यांमध्ये तरुण दारू पितात. तरुणांमध्ये वाईन, बिअर किंवा इतर मद्य पिण्याची आवड झपाट्याने वाढत आहे. मात्र हे घटक आहे. यामध्ये अल्कोहोल असते आणि त्यामुळे त्याच्या अतिसेवनामुळे कर्करोग, यकृत निकामी होण्यासह अनेक घातक आजार होऊ शकतात. मात्र तुम्ही दारू पिण्याची एक ठरावीक वेळ आणि लिमिट ठेवले तर तुम्ही यातून वाचू शकता.
काही लोकांचा असा विश्वास आहे की दररोज 1-2 पेग अल्कोहोल पिण्याने आरोग्यास कोणतेही नुकसान होत नाही, तर बरेच लोक 3-4 पेग देखील सामान्य मानतात. अनेक संशोधनांमध्ये अल्कोहोलचे काही फायदे देखील दर्शविले गेले आहेत, परंतु यावर बरेच विवाद आहेत. आरोग्य तज्ञ दारू आरोग्यासाठी अत्यंत घातक मानतात. वर्ल्ड हेल्थ ऑर्गनायझेशन (WHO) नेही या वर्षी दारूबाबत एक अहवाल जारी केला होता, ज्यामध्ये अनेक धक्कादायक बाबी समोर आल्या होत्या. यामध्ये किती प्रमाणात अल्कोहोल पिणे सुरक्षित मानले जाऊ शकते आणि त्याच्या सेवनाचा शरीरावर कसा परिणाम होतो हे सांगण्यात आले आहे.
जाणून घ्या WHO ने दारूची मर्यादा किती सांगितली आहे.
डब्ल्यूएचओच्या अहवालानुसार, अल्कोहोलचा एक थेंबही सुरक्षित मानला जाऊ शकत नाही. अगदी कमी प्रमाणात वाइन किंवा इतर अल्कोहोलयुक्त पेये देखील आरोग्यासाठी धोकादायक असतात. लोकांनी दारू अजिबात पिऊ नये. अनेक वर्षांच्या मूल्यांकनानंतर डब्ल्यूएचओ या निष्कर्षावर पोहोचला आहे. अल्कोहोलचा पहिला थेंब प्यायल्याने कर्करोग, यकृत निकामी होण्यासह अनेक गंभीर आजारांचा धोका वाढतो. दारू किंवा बिअरचा एक पेगही सुरक्षित मानणे हा लोकांचा गैरसमज आहे. वर्ल्ड हेल्थ ऑर्गनायझेशन म्हणते की अल्कोहोल आरोग्यासाठी फायदेशीर आहे हे आतापर्यंत कोणत्याही अभ्यासातून सिद्ध झालेले नाही.
दारू आरोग्यासाठी धोकादायक का आहे?
डब्ल्यूएचओच्या मते, वाइनमध्ये अल्कोहोल मिसळले जाते, जे एक विषारी पदार्थ आहे. त्यामुळे शरीराची गंभीर हानी होते. काही वर्षांपूर्वी इंटरनॅशनल एजन्सी फॉर रिसर्च ऑन कॅन्सरने अल्कोहोलचा समावेश ग्रुप 1 कार्सिनोजेनमध्ये केला होता. कर्करोग निर्माण करणाऱ्या गटामध्ये कार्सिनोजेन्सचा समावेश होतो. एस्बेस्टोस, रेडिएशन आणि तंबाखूचाही या धोकादायक गटात समावेश करण्यात आला आहे. केवळ दारूच नाही, तर तंबाखू आणि रेडिएशनमुळेही अनेक प्रकारच्या कर्करोगाचा धोका वाढतो. त्यामुळे तुम्हाला तुमचे आरोग्य चांगले ठेवायचे असेल तर तुम्ही या गोष्टींपासून नेहमी दूर राहिले पाहिजे.