हॅलो महाराष्ट्र ऑनलाईन HSRP Number Plate । महाराष्ट्रात जुन्या वाहनांसाठी (1 एप्रिल 2019 पूर्वी नोंदणीकृत) HSRP (उच्च सुरक्षा नोंदणी पत्रिका) बसवण्याचे आवाहन राज्य परिवहन विभागाने केलं आहे. यापूर्वी 30 एप्रिल 2025 पर्यंत यासाठी मुदत देण्यात आली होती, परंतु परिवहन विभागाने त्यानंतर ३० जून २०२५ हि डेडलाईन दिली आहे. त्यामुळे जर तुम्हीही अजून पर्यंत HSRP Number Plate बसवली नसेल किंवा काही कामानिमित्त बसवायची राहून गेली असेल तर कोणताही वेळ न दवडता लवकरात लवकर बसवून घ्या, अन्यथा तुम्हाला मोठ्या आर्थिक दंडाला सामोरे जाऊ लागू शकत.
2019 पूर्वी नोंदणी झालेल्या जुन्या वाहनांसाठी राज्य परिवण विभागाने HSRP Number Plate चा नियम आणला आहे. HSRP एक विशेष सुरक्षा वैशिष्ट्ये असलेली नंबर प्लेट आहे. यात 10 अंकी युनिक लेझर-ब्रांडेड आयडी नंबर आणि लेझरने कोरलेला कोड असतो. त्यावर ‘IND’ बॅजिंग असते. HSRP मध्ये क्रोमियम-आधारित होलोग्राम, लेसर-नंबर आणि नॉन-रिमूव्हेबल स्नॅप लॉक यांसारख्या सुरक्षा फीचर्स मुळे वाहन चोरी आणि बनावट नंबर प्लेट्स रोखण्यास मदत होईल. तसेच, बनावट नंबर प्लेट तयार करून फसवणूक करणे, फॅन्सी नंबर प्लेट बनवणे, नंबर प्लेटवर खाडाखोड करणे यामुळे चोरीच्या वाहनांना शोधण्यात अडचणी येत होत्या. त्यामुळे एचएसआरपी या नंबर प्लेट बसविणे बंधनकारक करण्यात आलं आहे.जर तुम्ही 30 जून 2025 पर्यंत HSRP बसवले नाही, तर मोटर वाहन कायद्याच्या कलम 177 अंतर्गत ₹1,000 दंड आकारला जाऊ शकतो.
HSRP Number Plate कोठून लावावी?
तुम्ही अधिकृत संकेतस्थळ www.transport.maharashtra.gov.in किंवा www.hsrpmh.com वर ऑनलाइन अर्ज करू शकता. यासाठी वाहन नोंदणी क्रमांक, चेसिस क्रमांक, इंजिन क्रमांक आणि मोबाइल नंबर आवश्यक आहे. दुचाकींसाठी सुमारे ₹400-450, तीनचाकींसाठी ₹500 आणि चारचाकींसाठी ₹745-1,100. रंग-कोडेड स्टिकरसाठी अतिरिक्त ₹100 लागू शकतात. बुकिंगसाठी तुम्ही तुमच्या RTO नुसार झोन निवडून, फिटमेंट सेंटरवर अपॉइंटमेंट बुक करावी. HSRP फक्त अधिकृत विक्रेत्यांकडूनच लावावी, जे परिवहन विभागाकडे नोंदणीकृत आहेत. अधिकृत विक्रेत्यांची यादी VAHAN पोर्टलवर उपलब्ध आहे.
