IBPS RRB Recruitment 2024 | आजकाल अनेक तरुणांना बँकेमध्ये नोकरी करायची असते. कारण बँकेतील नोकरीही त्यांना अत्यंत सुरक्षित वाटते. अशातच आता बँकेतील नोकरीच्या शोधात असणाऱ्या तरुणांसाठी हे खुशखबर आहे. कारण बँकिंग कर्मचारी निवड संस्थेने आता विविध ग्रामीण बँकांमध्ये भरती करण्याची अधिसूचना देखील जारी केलेली आहे. या अधिसूचनेनुसार आता विविध प्रादेशिक ग्रामीण बँकांमध्ये गट A, अधिकारी स्केल 1, 2 आणि 3 आणि गट B ऑफिस असिस्टंट च्या पदांसाठी थेट भरतीसाठी ऑनलाईन पद्धतीने अर्ज करण्यास सुरुवात झालेली आहे. त्यामुळे पात्र आणि इच्छुक असणाऱ्या उमेदवारांनी लवकरात लवकर अधिकृत वेबसाईटला भेट देऊन अर्ज करायचे आहेत.
प्रोबेशनरी ऑफिसर आणि लिपिक यांसारख्या पदांसाठी ही भरती मोहीम चालवली जाणार आहे. या भरतीची परीक्षा 22 जुलै ते 27 जुलै या कालावधी दरम्यान घेतली जाणार आहे. या भरतीचा अर्ज करण्यासाठी उमेदवार हा कोणत्याही मान्यता प्राप्त शिक्षणसंस्था किंवा विद्यापीठातून बॅचलर पदवी घेतलेला असणे गरजेचे आहे.
पदांची संख्या | IBPS RRB Recruitment 2024
या भरती अंतर्गत 9995 पदे भरली जाणार आहेत ज्यामध्ये 5585 बहुउद्देशीय कार्यालय सहाय्यक पदांचा समावेश आहे.
वयोमर्यादा
अधिकारी स्केल lll साठी उमेदवारांचे वय हे 21 ते 40 वर्षे दरम्यान असणे गरजेचे आहे. त्याचप्रमाणे अधिकारी स्केल ll साठी व उमेदवाराचे वय 21 ते 32 वर्ष दरम्यान असणे गरजेचे आहे. त्याचप्रमाणे अधिकारी स्केल l साठी 18 ते 30 दरम्यान असणे गरजेचे आहे.
अर्ज शुल्क
उमेदवारांना आयबीपीएस, आरआरबी, ऑफिस असिस्टंट आणि आयबीपीएस आरआरबी ऑफिसर या पदासाठी अर्ज शुल्क 850 रुपये असणार आहे. त्याचप्रमाणे अनुसूचित जाती, अनुसूचित जमाती आणि अपंग व्यक्ती या श्रेणीतील उमेदवारांना केवळ 175 रुपये शुल्क असणार आहे.