संपूर्णपणे स्वदेशी बनावट असलेल्या वंदे भारत ट्रेन्सचा संपूर्ण भारतात बोलबाला आहे. देशभर वंदे भारत आणण्याचा रेल्वेचा प्लॅन आहे. सध्या धावणारी वंदे भारत ट्रेन ही चेअर कार पद्धतीची आहे. लवकरच आता वंदे भारत स्लीपर ट्रेन रुळावर धावण्यासाठी सज्ज झाली आहे. इंटिग्रल कोच फॅक्टरी चेन्नईने बुधवारी आपल्या प्रमुख वंदे भारत ट्रेनच्या सुधारित सुरक्षा वैशिष्ट्यांसह आणि सर्वोत्कृष्ट दर्जाच्या इंटिरियरसह पूर्णत: वातानुकूलित स्लीपर कोचचा व्हिडीओ प्रसारित केला आहे.
ICF 2018 पासून वंदे भारत एक्सप्रेस गाड्या बनवत आहे आणि आत्तापर्यंत अशा 77 ट्रेन देशभरात चालू आहेत, जरी फक्त चेअर कारची सुविधा आहे. ICF ने रात्रीच्या प्रवासाचा समावेश असलेल्या लांब पल्ल्याच्या सर्व एसी स्लीपर कोचसह पहिल्या वंदे भारत ट्रेन रेक उघड केले आहे.
नव्या गाडीत काय आहेत वैशिष्ट्ये ?
चेअर कार गाड्यांप्रमाणेच नवीन स्लीपर कोच ट्रेनमध्ये सुरक्षेच्या वैशिष्ट्यांमध्ये सुधारणा करण्यात आली आहे. डब्यांमध्ये GFRP (ग्लास फायबर रिइन्फोर्स्ड पॉलिमर) पॅनेलसह सर्वोत्तम-इन-क्लास इंटिरिअर्स, पॉलीयुरेथेन फोम कुशनसह ॲल्युमिनियम एक्सट्रूझन्स बर्थ फ्रेम, टच-फ्री सुविधांसह बायो-व्हॅक्यूम टॉयलेट इ. सुविधा प्रवास केवळ आरामदायीच नाही तर अधिक आनंददायी बनवण्यासाठी असल्याचे ” रिलीझमध्ये म्हटले आहे.
#WATCH | Integral Coach Factory (ICF) in Chennai will be rolling out the Vande Bharat sleeper coaches soon pic.twitter.com/tcvYxKd4g5
— ANI (@ANI) October 23, 2024
वंदे भारत स्लीपर व्हर्जन सध्या ICF मध्ये कार्यान्वित आहे आणि RDSO (रेल्वे मंत्रालयाच्या अंतर्गत संशोधन डिझाइन आणि मानक संस्था) द्वारे कोच/ट्रेन रेक पुढील मार्गांसाठी पाठवले जातील. त्याची ट्रायल रन यशस्वी झाल्यानंतर ही ट्रेन प्रवाशांच्या सेवेत रुळावर धावण्यास सज्ज होईल.
