हॅलो महाराष्ट्र ऑनलाईन| इंडियन बँक असोसिएशन (IBA) च्या अधिसूचनेनुसार बँक कर्मचाऱ्यांचा महागाई भत्ता (DA) मे, जून आणि जुलै महिन्यांसाठी 15.67% पर्यंत वाढवण्यात आला आहे. सोमवारी IBA ने अधिसूचना जारी केली होती. या अधिसूचनेनंतर कर्मचाऱ्यांचा महागाई भत्ता वाढवण्यात आला आहे. त्यामुळे आता कर्मचाऱ्यांचा आनंद दुपटीने वाढला आहे.
महत्वाचे म्हणजे, या वेतनवाढीचा लाभ तब्बल 8 लाख बँक कर्मचाऱ्यांना मिळणार आहे. ही वेतनवाढ मे, जून आणि जुलै 2024 साठी असेल. याबाबतची माहिती IBA ने 10 जून 2024 रोजी जारी केलेल्या अधिसूचनेत दिली आहे. यापूर्वी मार्च महिन्यात IBA आणि इतर बँक कर्मचाऱ्यांनी 17 टक्के वार्षिक वेतन वाढीसाठी सहमती दर्शवली होती. ज्यामुळे सार्वजनिक क्षेत्रातील तब्बल 8284 बँकांवर याचा बोझा पडणार आहे.