Indian Railway : भारतीय रेल्वेने तिकीट बुकिंग प्रक्रियेत पारदर्शकता आणण्याचा निर्धार करत, १५ एप्रिल २०२५ पासून ‘तात्काळ’ तिकीट प्रणालीत मोठे बदल लागू केले आहेत. विशेष म्हणजे, यावेळी रेल्वे एजंटांवर थेट गंडांतर येणार असून तात्काळ तिकिटांसाठी त्यांना आता “नो एंट्री”. त्यामुळे एजंटाशिवाय प्रवाशांना सुरळीत तात्काळ तिकीट मिळणार आहे.
एजंटांना मोठा झटका (Indian Railway)
तात्काळ तिकिटांची गरज असलेले प्रवासी वारंवार एजंटांच्या साखळदंडात अडकत होते. रेल्वेने या गैरप्रकारावर अंकुश आणण्यासाठी १५ एप्रिलपासून पहिल्या दोन तासांसाठी (सकाळी १० ते दुपारी १२) एजंटांना बुकिंगपासून पूर्णतः ब्लॉक केले आहे. आता तिकीट बुकिंग होईल केवळ वैयक्तिक प्रवाशांच्या हाती आणि तेही अधिकृत माध्यमातून मिळणार आहे.
नवीन नियमांचा उद्देश (Indian Railway)
- पारदर्शकता: सर्व प्रवाशांना बुकिंगची समान संधी
- सोपी प्रक्रिया: वेबसाइट व अ‍ॅपवर जलद व सुलभ बुकिंग
- फेक बुकिंग्सना आळा: केवळ ओळखपत्र सादर करणाऱ्या प्रवाशांनाच तिकीट
तुम्हाला काय माहित असणं आवश्यक आहे?
| प्रवर्ग | बुकिंग वेळ (१ दिवस आधी) |
|---|---|
| AC क्लास (1A, 2A, 3A, CC) | सकाळी 10:00 ते 11:00 |
| नॉन-AC (SL, 2S) | सकाळी 11:00 ते दुपारी 12:00 |
| प्रीमियम तत्काळ | सकाळी 10:00 ते 10:30 |
बुकिंग प्रक्रिया आता अधिक स्मार्ट
- वेबसाइट: www.irctc.co.in
- मोबाईल अ‍ॅप: IRCTC Mobile App
- “Tatkal” कोटा निवडून बुकिंग करा
- प्रवासी तपशील आता स्वयंचलित भरले जातील
- पेमेंटसाठी ५ मिनिटांची मुदत (पूर्वी होती ३ मिनिटे)
- एक PNR = ४ प्रवाशांपर्यंत मर्यादा
- सवलती तत्काळ कोट्यात लागू नाहीत
- प्रवासादरम्यान वैध ओळखपत्र बाळगणे बंधनकारक आहे.
या निर्णयाचा परिणाम
तात्काळ तिकीट मिळवणं होणार अधिक पारदर्शक, प्रवाशांचा वेळ वाचणार, एजंटांचे आक्रमण कमी होणार आणि सर्वात महत्त्वाचं म्हणजे, शेवटच्या क्षणीही तिकीट मिळण्याची संधी आता खऱ्या प्रवाशांपर्यंत पोहोचणार आहे. रेल्वेने (Indian Railway) घेतलेला हा निर्णय म्हणजे ‘तात्काळ’ बुकिंगचं नवं युग. एजंटांच्या साखळीला धक्का देत, प्रवाशांना दिलासा देणारा आणि सिस्टमला अधिक विश्वासार्ह बनवणारा महत्त्वपूर्ण टप्पा ठरेल.
