Indian Railway : एप्रिल महिन्यात ट्रेनने प्रवास करण्याचा विचार करताय? तर केवळ तिकीटच नाही, तर तुमच्या सामानाच्या मर्यादेबाबतचे नियम देखील जाणून घेणे गरजेचे आहे! भारतीय रेल्वेने नव्या नियमांनुसार सामान वाहतुकीवर बंधने घातली असून, ठरलेल्या मर्यादेपेक्षा जास्त सामान असल्यास अतिरिक्त शुल्क लागू शकते.
भारतीय रेल्वेचा नवीन लगेज नियम (Indian Railway )
रेल्वे प्रवास अधिक आरामदायक करण्यासाठी प्रत्येक श्रेणीसाठी सामानाची ठराविक मर्यादा निश्चित करण्यात आली आहे:
- AC फर्स्ट क्लास – 70 किलोपर्यंत सामान
- AC 2 टियर/फर्स्ट क्लास – 50 किलोपर्यंत सामान
- AC 3 टियर/AC चेयर कार/स्लीपर क्लास – 40 किलोपर्यंत सामान
- सेकंड क्लास – 35 किलोपर्यंत सामान जादा सामान घेतल्यास द्यावा लागेल अतिरिक्त शुल्क (Indian Railway)
जर प्रवाशांकडे ठरलेल्या मर्यादेपेक्षा जास्त सामान असेल, तर त्यांना निश्चित शुल्क द्यावे लागेल. मात्र, जर सामान मर्यादेपेक्षा अधिक असेल, तर हा शुल्क 1.5 पट लागू होऊ शकतो. त्यामुळे जास्त सामान असेल, तर प्रवासाच्या आधीच रेल्वेच्या बॅगेज ऑफिसमध्ये त्याची बुकिंग करून घ्या.
कोणत्या वस्तूंवर नाही मोफत सामान परवानगी? (Indian Railway)
- स्कूटर, सायकल यांसारख्या वस्तू मोफत भत्त्याच्या अंतर्गत येत नाहीत.
- ज्वलनशील पदार्थ, गॅस सिलेंडर, स्फोटके, आम्ल यांसारख्या धोकादायक वस्तूंना परवानगी नाही.
- 5 ते 12 वर्षे वयोगटातील मुलांसाठी सामानाची मर्यादा अर्धी म्हणजे 50 किलोपर्यंत आहे.
प्रवास आरामदायक आणि त्रासमुक्त करण्यासाठी…
- प्रवासापूर्वी रेल्वेच्या अधिकृत बॅगेज नियमांची माहिती घ्या.
- जादा सामान असेल, तर आधीच अधिकृत बुकिंग करून ठेवा.
- बंदी असलेल्या वस्तू रेल्वेत नेण्याचा प्रयत्न करू नका.
नव्या नियमांमुळे प्रवास सुकर आणि सुविधाजनक होईल. म्हणूनच, पुढच्या वेळेस ट्रेनने (Indian Railway) प्रवास करताना सामानाच्या मर्यादा लक्षात ठेवा आणि अनावश्यक अडचणी टाळा
