Indian Railways | आपल्या भारतात रेल्वेची सुविधा मोठ्या प्रमाणात आहे. रेल्वेचे जाळे हे संपूर्ण भारतभर पसरलेले आहे. त्यामुळे अनेक लोक हे प्रवासासाठी रेल्वेचाच वापर करतात. रेल्वेचा (Indian Railways) प्रवास हा आरामदायी असतो तसेच कमी खर्चात देखील असतो. भारतीय रेल्वेने प्रवाशांच्या चांगल्या सुविधेसाठी सेमी हाय स्पीड गाड्यांपासून ते आधुनिक रेल्वे स्थानकापर्यंत विविध सुविधा उपलब्ध करून दिलेल्या आहेत.अशातच आता रेल्वेने नागरिकांच्या आरोग्य सेवा धोरणामध्ये देखील एक मोठा निर्णय घेतलेला आहे. या निर्णयानुसार कर्मचारी त्यांचे निवृत्तीवेतनधारकांसाठी रेल्वेकडून युनिक मेडिकल आयडेंटिफिकेशन नावाचे कार्ड केले जारी केले जाणार आहे. या कार्डद्वारे आता रेल्वेमध्ये रेल्वेने ज्या रुग्णालयाची यादी तयार केली आहे. त्या सर्व रुग्णालयात कर्मचाऱ्यांना मोफत उपचार मिळणार आहे.
37 लाख लोकांना मिळणार सुविधा | Indian Railways
कर्मचारी आणि पेन्शन धारकांनी या आधी विनंती केली होती. आणि त्या विनंतीनुसारच आता हे कार्ड जारी करण्यात आलेले आहे. यासाठी कर्मचाऱ्यांना 100 रुपये शुल्क भरावे लागणार आहे. रेल्वेने कर्मचारी आणि पेन्शनधारकांनाही सुविधा दिल्यानंतर जवळपास 12.5 लाख कर्मचाऱ्यांना आणि 15 लाखापेक्षा अधिक पेन्शनधारकांना याचा फायदा मिळणार आहे. रेल्वेचा हा आदेश रेल्वे बोर्डाचे कार्यकारी संचालक ट्रान्सफॉर्मेशन प्रणव कुमार मलिक यांनी जाहीर केलेला आहे.
यासंदर्भात रेल्वे मंत्रालय आणि रेल्वे बोर्डाला सूचना देण्यात आल्या होत्या. रेफरलबाबत रेल्वेकडे कर्मचारी आणि पेन्शनधारकांकडून सातत्याने तक्रारी येत होत्या. डॉक्टर त्यांच्या आवडत्या रुग्णालयाच्या नावाने रेफरल देत असल्याचे तक्रारींमध्ये म्हटले आहे. रूग्ण इच्छुक असलेल्या हॉस्पिटलमध्ये रेफर करताना समस्या होत्या. नवीन प्रणालीमुळे हे पूर्णपणे थांबेल अशी अपेक्षा आहे.
मेडिकल कार्ड डिजीलॉकरमध्ये ठेवले जाईल
हेल्थ मॅनेजमेंट इन्फॉर्मेशन सिस्टीम (HMIS) द्वारे रेल्वे कर्मचारी, पेन्शनधारक आणि त्यांच्या अवलंबितांना त्यांच्या विनंतीनंतर कार्ड मिळेल. कर्मचारी आणि पेन्शनधारकांच्या डिजीलॉकरमध्ये ते ठेवले जाईल. हे कार्ड एचएमआयएस ॲपवर संबंधित कर्मचारी आणि पेन्शनधारकाच्या प्रोफाइलवर उपलब्ध असेल. कार्डद्वारे, कोणत्याही रुग्णालयात आणि रेल्वे पॅनेलमध्ये समाविष्ट असलेल्या सर्व एम्समध्ये उपचार दिले जाऊ शकतात. आता यासाठी कोणत्याही प्रकारच्या रेफरलची गरज भासणार नाही.
कार्ड नसले तरी उपचार मिळतील | Indian Railways
रेल्वेने जारी केलेल्या आदेशात असे म्हटले आहे की, कर्मचारी, निवृत्तीवेतनधारक किंवा त्यांच्यावर अवलंबून असलेल्यांना यूएमआयडी कार्ड दिलेले नसले तरीही त्यांना उपचार नाकारले जाणार नाहीत. संबंधित रुग्णालय किंवा रुग्णालयाशी संपर्क साधल्यास, त्यांच्या माहितीवर आधारित UMID क्रमांक आधीच तयार केला जाईल. यामुळे त्यांना कोणत्याही व्यत्ययाशिवाय सुविधेचा लाभ घेता येणार आहे. युनिक कार्डमधील उर्वरित माहितीची पडताळणी केल्यानंतर, ती HMIS डेटाबेसमध्ये प्रविष्ट केली जाईल. याशिवाय 25 AIIMS, PGI चंदीगड, JIPMER पुद्दुचेरी, NIMHANS बेंगळुरू येथील OPD आणि IPD मध्ये मोफत उपचार सुविधा उपलब्ध असेल.