अँमेझॉनमधील जंगलाला लागलेल्या आगीत जंगलातील मोठ्या प्रमाणावर असलेल्या जैवविविधतेला मोठं नुकसान झाले असून, आगीचा परिणाम हजारो किलोमीटरवरील हिमनगांवरही पाहायला मिळत आहेत. एंडिज पर्वतरांगेतील बर्फामध्ये अँमेझॉन खोऱ्यातील आगीतून निर्माण झालेले धुली कण आढळत असून, यामुळे हिमनग विरघळण्याचे प्रमाण वाढत आहे.
याबाबतचे संशोधन करणाऱ्या ब्राझिल विद्यापीठाच्या तज्ज्ञांच्या गटाने वर्ष २००० ते २००६ दरम्यान घडलेल्या आगीच्या घटना, धुराची स्थिती आणि पाऊस व हिमनगांची विरघळण्याची गती याचा अभ्यास करून आकडेवारी जमा केली आहे. यामधून समोर आलेल्या माहितीनुसार, फक्त आगीतून निघणाऱ्या काळ्या कार्बनमुळे हिमनग विरघळण्याचे प्रमाण ३ ते ४ टक्क्यांपर्यंत आहे; तसेच धुली कण आणि आगीतून तयार होणारे काळे कार्बन एकत्र आल्याने याचे प्रमाण ६ टक्क्यांपर्यंत गेले आहे. तज्ज्ञांच्या मते एंडिज पर्वतरांगेतील हिमनगांमध्ये सापडणाऱ्या धुली कणांवर, आगीचा हिमनगांवर किती परिणाम झाला आहे, हे लक्षात येईल