हॅलो महाराष्ट्र ऑनलाईन । IPL 2025 Schedule – आयपीएल (IPL) 2025 च्या 18 व्या हंगामाची सुरुवात 21 मार्चपासून होणार असून, क्रिकेट चाहत्यांमध्ये त्याच्या वेळापत्रकाबाबत उत्सुकता वाढली आहे. बीसीसीआयचे उपाध्यक्ष राजीव शुक्ला यांनी एका कार्यक्रमात याविषयी माहिती सांगितली होती. त्यामुळे वेळापत्रकाविषयी असणारे सर्व प्रश्न लवकरच सोडवले जाणार आहेत. आयपीएलचे वेळापत्रक पुढच्या आठवड्यात जाहीर करण्यात येणार असल्याचेही सांगण्यात आले आहे.
आयपीएल 2025 चा शुभारंभ (IPL 2025 Schedule) –
सूत्रांच्या माहितीनुसार, आयपीएल 2025 (IPL 2025 Schedule) चा शुभारंभ कोलकाताच्या ईडन गार्डन्स मैदानावर होईल. गत हंगामात कोलकाता नाइट रायडर्स आणि सनरायझर्स हैदराबाद यांच्यात फायनल सामना झाला होता, त्यामुळे यंदाच्या हंगामाची सुरुवात या मैदानावर होईल, अशी अपेक्षा आहे. यासोबतच, प्लेऑफमधील दुसरी लढतही कोलकातामध्ये होऊ शकते.
दुसरी लढत हैदराबादच्या राजीव गांधी आंतरराष्ट्रीय स्टेडियमवर –
आयपीएल 2025 (IPL 2025 Schedule) च्या प्लेऑफमधील दुसरी लढत हैदराबादच्या राजीव गांधी आंतरराष्ट्रीय स्टेडियमवर होईल. याशिवाय, आयपीएलचे फायनल देखील कोलकातामध्ये खेळले जाऊ शकते, ज्या ठिकाणी गत हंगामातील क्लासिफायर आणि एलिमिनेटर लढतीसुद्धा होण्याची शक्यता आहे.
2025 च्या वेळापत्रकाचा अंतिम तपशील –
दिल्ली कॅपिटल्स आणि राजस्थान रॉयल्स यांची घरच्या मैदानाबाहेर खेळलेल्या लढतींबाबत काही वृत्त समोर आली आहेत. दिल्ली कॅपिटल्सने आंध्र प्रदेश क्रिकेट असोसिएशनच्या विशाखापट्टणम् जिल्हा क्रिकेट असोसिएशन मैदानावर आपल्या दोन लढती खेळण्याची अपेक्षा आहे. राजस्थान रॉयल्सच्या घरच्या मैदानाबाबत अजून स्पष्टता आलेली नाही. आयपीएल 2025 च्या वेळापत्रकाचा अंतिम तपशील (IPL 2025 Schedule) लवकरच जाहीर होईल, अशी माहिती मिळत आहे. क्रिकेट चाहत्यांना यावर्षीच्या हंगामाबाबत अधिक माहिती मिळवण्यासाठी उस्तुकता आहे.
