IRCTC : भारतीय संस्कृतीमध्ये देवधर्म तीर्थस्थान यांना खूप मोठे महत्त्व आहे. जर तुम्ही नुकत्याच बांधण्यात आलेल्या अयोध्येला जाण्याचा विचार करत असाल तर ही तुमच्यासाठी महत्त्वाची बातमी आहे. रेल्वे कडून आयोध्या ते चित्रकूट असा प्रवास करण्यासाठी खास टुर पॅकेज आयोजित करण्यात आले आहे.
आय आर सी टी सी कडून हे नियोजन करण्यात आले असून या टूर पॅकेज मध्ये तुम्हाला आयोध्या नंदिग्राम सीतामढी जनकपुर बक्सर वाराणसी प्रयागराज शृंगवेरपूर आणि चित्रकूट अशी सर्व क्षेत्र बघायला मिळतील. चला तर जाणून घेऊया ही यात्रा (IRCTC) नेमकी कशी असेल आणि रेल्वे मार्फत काय सुविधा देण्यात येतील?
अयोध्या ते चित्रकूट हा प्रवास 9 रात्री 10 दिवसांचा असेल. प्रवासी यासाठी संपूर्ण टूर पॅकेज IRCTC साइटवर बुक करू शकता. ही ट्रेन 5 ऑगस्ट 2024 रोजी दिल्लीहून सुटणार आहे. ही धार्मिक यात्रा दिल्लीतील सफरदरजंग रेल्वे स्टेशन पासून सुरुवात होणार आहे. या ट्रेनमध्ये एकावेळी 150 प्रवासी प्रवास करू शकतात. रेल्वे पॅकेजच्या अंतर्गत सगळ्यात आधी आपण अयोध्येला (IRCTC) जाणार आहोत त्यानंतर सगळ्यात शेवटी चित्रकुटला जाणार आहोत चित्रकुट नंतर ट्रेन दहाव्या दिवशी दिल्लीमध्ये पुन्हा पोहोचेल. या पॅकेजच्या किमती बद्दल सांगायचं झाल्यास या पॅकेजची सुरुवात 45 हजार 620 रुपये प्रति व्यक्ती पासून होत आहे. या पॅकेजमध्ये तुम्हाला खाण्यापिण्याची चिंता करण्याची अजिबात आवश्यकता नाहीये. खाण्यापिण्याची सोय रेल्वे मार्फत केली जाईल.
टूर पॅकेजची खास वैशिष्ट्ये (IRCTC)
पॅकेजचे नाव– श्री राम जानकी यात्रा (CDBG17)
डेस्टिनेशन कवर– अयोध्या, नंदीग्राम, सीतामढी, जनकपूर, बक्सर, वाराणसी, प्रयागराज, शृंगवरपूर आणि चित्रकूट.
बोर्डिंग/डी-बोर्डिंग पॉइंट– दिल्ली सफदरजंग, गाझियाबाद, अलीगढ, टुंडला, इटावा, कानपूर
किती दिवस – 9 रात्री आणि 10 (IRCTC) दिवस
प्रस्थान तारीख– 5 ऑगस्ट 2024
काय काय पहाल ? (IRCTC)
अयोध्या: रामजन्मभूमी मंदिर, हनुमान गढी, गुप्तार घाट, राम की पायडी
नंदीग्राम: भारत-हनुमान मंदिर आणि भारत कुंड
जनकपूर (नेपाळ): श्री जानकी मंदिर, राम सीता विवाह मंडप, धनुष धाम मंदिर, परशुराम कुंड आणि गंगा सागर तलाव.
सीतामढी (बिहार): जानकी मंदिर आणि पुनौरा धाम
बक्सर: राम रेखा घाट आणि रामेश्वर नाथ मंदिर.
वाराणसी: काशी विश्वनाथ मंदिर, तुलसी मानस मंदिर, संकट मोचन मंदिर आणि गंगा आरती
सीतामढी (उत्तर प्रदेश): सीता संहित स्थळ (सीता माता मंदिर)
प्रयागराज: त्रिवेणी संगम, हनुमान मंदिर आणि भारद्वाज आश्रम
शृंगावेरपूर: शृंगी ऋषी मंदिर
चित्रकूट: गुप्त गोदावरी, राम घाट आणि सती अनुसूया मंदिर