IRCTC : बिनधास्त करा अभ्यास…! महाविद्यालयीन विद्यार्थ्यांना IRCTC देते तिकिटात खास सवलत

IRCTC : जगातील चौथ्या क्रमांकाचे सर्वात मोठे रेल्वे नेटवर्क असल्याने, भारतीय रेल्वे दररोज मोठ्या संख्येने प्रवाशांची वाहतूक करते. रेल्वेचा प्रवास ते स्वस्त आणि सोपा असल्यामुळे भारतीय रेल्वेने दररोज लाखो लोक प्रवास करतात. रेल्वे प्रवाशांना अनेक सुविधा देत असते. तुम्हाला कदाचित माहित नसेल की रेल्वे प्रवासी खर्चापैकी फक्त 50 टक्के रक्कम प्रवाशांकडून वसूल करते. विद्यर्थ्यांसाठी IRCTC कडून विशेष सवलत दिली जाते. ही सवलत नेमकी कोणाला आणि कशा प्रकारे मिळते चला जाणून घेऊया…

विद्यार्थी सवलत ( IRCTC )

भारतीय रेल्वे विद्यार्थ्यांना स्लीपर क्लासमध्ये सवलत देते. तिकीट भाड्याचा परतावा IRCTC द्वारे दुसऱ्या दिवशी परत केला जातो. हा परतावा डिजिटल माध्यमातून विद्यार्थ्यांच्या बँक खात्यात हस्तांतरित केला जातो. मात्र ही सवलत ई-तिकिटांसाठी वैध नाही.

किती मिळते सूट ? ( IRCTC )

सामान्य श्रेणीतील विद्यार्थ्यांना ( IRCTC ) द्वितीय श्रेणी आणि स्लीपर क्लासमध्ये 50 टक्के सवलत दिली जाते आणि MST (मासिक हंगामी तिकीट) आणि QST (त्रमासिक हंगामी तिकीट) मध्ये 50 टक्के सवलत दिली जाते. SC/ST श्रेणीतील विद्यार्थ्यांना द्वितीय आणि स्लीपर वर्गात 75 टक्के आणि MST आणि QST मध्ये 75 टक्के सूट मिळते.

‘या’ परीक्षांवर देखील सवलत ( IRCTC )

UPSC आणि केंद्रीय कर्मचारी निवड आयोगाच्या मुख्य परीक्षांना बसणाऱ्या विद्यार्थ्यांना द्वितीय श्रेणीत 50 टक्के सूट मिळते. याशिवाय 35 वर्षांपेक्षा कमी वयाचे संशोधक संशोधन कामासाठी प्रवास करत असतील तर त्यांना द्वितीय आणि स्लीपर क्लासच्या तिकिटांवर 50 टक्के सवलत दिली जाते.