हॅलो महाराष्ट्र ऑनलाईन | रिलायन्स जिओने या आठवड्यातच त्यांच्या मोबाईल रिचार्जच्या किमतीत मोठ्या प्रमाणात बदल केलेला आहे. प्रत्येक रिचार्ज किंमत वाढलेले आहे. त्यामुळे सगळ्या नागरिकांमध्ये नाराजी व्यक्ती झालेली आहे. परंतु अशातच आता कंपनीने ग्राहकांसाठी एक आनंदाची बातमी दिलेली आहे. ती म्हणजे आता जिओनने त्यांच्या अधिकृत वेबसाईटवर काही खास आणि स्वस्त योजना लॉन्च केलेल्या आहेत. या नवीन प्लॅननुसार 51 रुपये एवढी हा सगळ्यात कमी किमतीचा रिचार्ज प्लॅन आहे. यामध्ये तुम्हाला 5जी डेटाचा देखील फायदा होणार आहे. ग्राहकांसाठी ही एक आनंदाची बातमी आहे.
मिळालेल्या माहितीनुसार, कंपनीच्या नवीन श्रेणींच्या यादीमध्ये 51 रुपये, 101 रुपये आणि 151 रुपयांचे पॅक उपस्थित आहेत आणि यामध्ये अमर्यादित 5G डेटाचा लाभ देण्यात आला आहे. 51 रुपयांच्या प्लॅनमध्ये 3GB 4G हायस्पीड अमर्यादित 5G हायस्पीड डेटा दिला जात आहे. या योजनेची वैधता सक्रिय प्लॅनसह समाप्त होईल.
या यादीतील दुसरा प्लॅन 101 रुपयांचा आहे. या प्लानमध्ये अनलिमिटेड 5G + 6GB डेटा दिला जात आहे. त्याची वैधता देखील सक्रिय योजनेसह समाप्त होईल. 151 रुपयांच्या प्लॅनमध्ये ग्राहकांना अमर्यादित 5G + 9GB डेटाचा लाभ दिला जात आहे. या योजनेची वैधता सक्रिय प्लॅनसह समाप्त होईल.
या आठवड्यात जारी करण्यात आलेल्या Jio च्या नवीन प्लॅन्सच्या यादीमध्ये असे लिहिले होते की Jio त्याच्या काही प्रीपेड प्लॅनसह अमर्यादित 5G चा लाभ देणार नाही. असे सांगण्यात आले होते की जिओ फक्त त्या प्रीपेड प्लॅनवर अमर्यादित 5G डेटा देईल जे दररोज 2GB डेटा किंवा अधिक डेटा देतात.
याचा अर्थ असा की दररोज 1.5GB किंवा त्यापेक्षा कमी डेटा असलेल्या प्लॅनमध्ये 5G इंटरनेट डेटा सुविधा मिळणार नाही. परंतु नवीन प्लॅन पाहता असे वाटत नाही की कंपनी सर्व प्लॅनमध्ये अमर्यादित 5G चा लाभ देणार नाही.