हॅलो महाराष्ट्र ऑनलाईन । Tax Rules On FD : FD हा लोकांच्या सर्वाधिक पसंतीचा गुंतवणूकीचा पर्याय आहे. यामागील सर्वात मोठे कारण म्हणजे इतर योजनांच्या तुलनेत ते सुरक्षित आणि कमी जोखमीचे आहे. यामध्ये अल्प तसेच दीर्घ कालावधीसाठी गुंतवणूक करता येते. अलीकडेच सर्व बँकांनी फिक्स्ड डिपॉझिट्सवरील व्याजदरात वाढ केली आहे. सध्या जवळपास सर्वच बँकांकडून फिक्स्ड डिपॉझिट्सवरील व्याजदर वाढवण्यात आले आहेत. मात्र आपल्याला हे माहित आहे का कि, FD मधून मिळणाऱ्या उत्पन्नावर आपल्याकडून पूर्णपणे कर आकारला जातो. म्हणजेच त्यावर कोणतीही सूट दिली जाणार नाही. हे आपल्या एकूण उत्पन्नाशी जोडले जाते, ज्यावर आपल्या टॅक्स स्लॅबनुसार कर लागू होतो. इन्कम टॅक्स रिटर्न भरताना ते “इतर स्त्रोतांकडून मिळणारे उत्पन्न” या शीर्षकाखाली ठेवले जाते.
अशा प्रकारे लावला जातो FD वर टॅक्स
सर्व सामान्यांना FD वर 40,000 रुपयांपेक्षा जास्त व्याज मिळत असेल तर बँकांकडून त्यावर भरलेल्या व्याजावर TDS कापला जाईल. तसेच ज्येष्ठ नागरिकांना FD वर 50,000 रुपयांपेक्षा जास्त व्याज मिळाले तर त्यावर TDS कापला जाईल. इथे हे लक्षात घ्या की, FD वर व्याज जोडल्यानंतर TDS कापला जातो. अशा प्रकारे, जर 3 वर्षांसाठी FD केली असेल,तर बँकेकडून व्याज भरताना दरवर्षी TDS कापला जातो. Tax Rules On FD
अशा प्रकारे केले जाते कॅल्क्युलेशन
हे जाणून घ्या कि, फिक्स्ड डिपॉझिटच्या व्याजातून जे काही उत्पन्न मिळेल ते आपल्या एकूण उत्पन्नाशी जोडले जाईल (जर टॅक्स मोजणीपर्यंत व्याज मिळाले नसेल तर). आता आपले उत्पन्न कोणत्या टॅक्स स्लॅबमध्ये येते ते पाहावे लागेल. इन्कम टॅक्स डिपार्टमेंटकडून आपल्या एकूण कर दायित्वामध्ये आधीच कपात केलेला TDS एड्जस्ट केला जातो. जर बँकेने FD वरील व्याज कट केले नसेल तर आपल्याला एका आर्थिक वर्षामध्ये मिळणाऱ्या एकूण व्याजावर टॅक्स भरावा लागेल. मात्र हे आपल्या एकूण उत्पन्नामध्ये जोडल्यानंतरच रिटर्न भरावा लागेल. तसेच जर आपल्याला व्याज मिळत असेल तर त्यावर वार्षिक आधारावर टॅक्स भरावा आणि FD मॅच्युर होण्याची वाट पाहू नये. Tax Rules On FD
20% कर कधी लागू होईल ???
जर आपल्याला एका आर्थिक वर्षात सवलतीच्या मर्यादेपेक्षा जास्त रक्कम मिळाली तर बँकांकडून 10 टक्के दराने टीडीएस कापला जाईल. जर ठेवीदाराने परमनंट अकाउंट नंबर (PAN) लाँच केला नाही तर FD वर 20 टक्के टॅक्स आकारला जाईल. जर आपल्याला मिळालेली व्याजाची रक्कम ही सवलतीच्या मर्यादेत असेल आणि बँकेने तरीही TDS कापला असेल, तर ITR भरताना त्याबाबत क्लेम करता येऊ शकेल. Tax Rules On FD
व्याजावर कधी टॅक्स भरावा लागेल ???
आपल्या एकूण उत्पन्नामध्ये व्याज उत्पन्न जोडण्यावर कर दायित्व असेल तर ते आर्थिक वर्षाच्या 31 मार्च रोजी किंवा त्या आधीच भरावे लागेल. अशा प्रकारे आपले कोणतेही थकित टॅक्स भरता येईल. मात्र, आपल्या एकूण उत्पन्नामध्ये आपले व्याज उत्पन्न समाविष्ट केल्यानंतर कर दायित्व 10,000 रुपयांपेक्षा जास्त असेल तर आपल्याला ऍडव्हान्स टॅक्स भरावा लागेल. Tax Rules On FD
अधिक माहितीसाठी या वेबसाईटला भेट द्या : https://www.incometax.gov.in/iec/foportal/
हे पण वाचा :
व्हॉट्सअ‍ॅपला टक्कर देण्यासाठी Telegram ने लाँच केले खास फीचर्स !!!
‘या’ Valentine’s Day Sale अंतर्गत iPhone 14 वर 30000 रुपयांपर्यंत बचत करण्याची संधी !!!
खिशात एक पैसाही नाही मात्र Valentine’s Day ला जोडीदाराला चित्रपट दाखवायचा आहे, मग आजच करा ‘हे’ काम
Pension Scheme : ‘या’ योजनेमध्ये गुंतवणूक करून वृद्धांना मिळेल 70 हजार रुपयांची पेन्शन, अशा प्रकारे घ्या फायदा
New Business Idea : दरमहा लाखो रुपयांचे उत्पन्न मिळवण्यासाठी सुरू करा ‘हा’ व्यवसाय, सरकारकडूनही मिळेल मदत