महाराष्ट्रात दोन वेगवेगळ्या चमत्कारिक घटनांनी सर्वांचे लक्ष वेधले आहे. नांदेड जिल्ह्यातील इजतगाव शिवारात जमिनीतून लावा सदृश्य पदार्थ बाहेर पडल्याने ग्रामस्थ चकित झाले आहेत. दुसरी घटना भंडारा जिल्ह्यातील नांदोरा येथील घराच्या खाली भुयारी मार्गाचा उघडकीस येण्याची आहे.
नांदेडमध्ये जमिनीतून लावा सदृश पदार्थ
नांदेड जिल्ह्यातील नायगाव तालुक्यातील इजतगाव शिवारात रविवारी दुपारी एक आश्चर्यकारक घटना घडली. डोंगराळ भागात असलेल्या एका विद्युत खांबाजवळ जमिनीतून काळा पदार्थ बाहेर येताना दिसला. सुरुवातीला हा पदार्थ उष्ण आणि वाफ निघत होता. कालांतराने, हा पदार्थ कोळशासारखा बनला. या घटनेमुळे ग्रामस्थ भयभीत झाले असून, त्यांनी प्रशासनाकडे तपास करण्याची मागणी केली आहे. याबाबत काही जाणकारांनी वीज कोसळल्यामुळे विजेच्या उष्णतेने दगड पिघलून हा पदार्थ बाहेर आले असावा, असा अंदाज व्यक्त केला आहे.
भंडाऱ्यात भुयारी मार्गाचा शोध
दुसरी घटना भंडारा जिल्ह्यातील नांदोरा येथील महादेव कोरचम यांच्या घराशी संबंधित आहे. 2010 साली बांधलेल्या या घराच्या आत एक छोटासा खड्डा पडला होता. त्या खड्ड्याला खोदताच, बांबू घालण्यावर ते बांबू थेट आतपर्यंत गेले. अधिक खोदकाम केल्यावर घराच्या खाली एक भुयारी मार्ग सापडला. या घटनामुळे गावात खळबळ माजली असून, प्रशासनाने याची माहिती घेत तपास सुरू केला आहे. काही गावकऱ्यांच्या मते, त्या ठिकाणी पूर्वी विहीर होती, त्यामुळे या मार्गाचा इतिहास काय आहे याचा तपास लवकरच करण्यात येणार आहे.
