नालासोपारा | गोरक्षक असलेल्या वैभव राऊत या सनातन कार्यकर्त्यांच्या घरावर पोलिसांनी मध्यरात्री छापा टाकला. यादरम्यान पोलिसांना राऊत यांच्या घरात स्फोटकांचा साठा सापडला असून सर्व स्फोटके पोलीसांनी जप्त केली आहेत. राऊत यांच्या घरात ८ देशी बॉम्ब आणि बॉम्ब बनवण्याचे समान आढळले आहे. पोलिसांनी राऊत यांच्या घरा बाहेर तीन दिवसांपासून सापळा लावला होता. त्यात त्यांच्या संशयित हालचाली दिसू लागल्याने पोलिसांनी घरावर छापा टाकण्याचा निर्णय घेतला. वैभव राऊत यांना पोलिसांनी अटक केली असून पोलीस अधिकचा तपास करत आहेत.
इतर महत्वाचे –
डाॅ. दाभोळकरांच्या हत्येला पाच वर्ष उलटली तरी खून्यांचा पत्ता नाही, नेटीझम्स मधे संताप
सुदाम्या टाईप बामण मित्रांचा विषय लय खोलंय – कुणाल गायकवाड
वैभव हा गोरक्षक आहे. त्यामुळे त्यांच्यावर बकरी ईद च्या तोंडावर दर वर्षी कार्यवाही करण्यात येते. मागे ही त्याच्यावर अशीच कार्यवाही केली गेली होती. तेव्हा त्याने सनातनची मदत मागितली होत. ‘आम्ही तेव्हाही त्याला मदत केली होती आणि आत्ता ही त्याला लागेल ती मदत करु’ असे सनातन संस्थेच्या वकिलांनी सांगितले आहे. तर ‘वैभव आमचा कार्यकर्ता नाही. गृह खाते आणि गृहमंत्र्यांवर आमचा विश्वास नाही. ते नेहमीच आमच्या विरोधात कार्यवाही करत असतात’ असे सनातन संस्थेच्या वतीने सांगण्यात आले आहे.
Early morning visuals from Vaibhav Raut’s residence in Mumbai’s Nala Sopara area from where Anti-Terrorism Squad (ATS) recovered some suspicious material yesterday. Vaibhav Raut detained. More details awaited. #Maharashtra pic.twitter.com/fVeZVQRuAc
— ANI (@ANI) August 10, 2018