हॅलो महाराष्ट्र ऑनलाईन | केंद्र सरकारने पंतप्रधान आवास योजनेबाबत एक मोठा निर्णय घेतलेला आहे. याचा फायदा महाराष्ट्रतील लोकांना मोठ्या प्रमाणात होणार आहे. ते म्हणजे आता महाराष्ट्रातील घरांसाठी जवळपास 6 लाख 36 हजार 89 घरे उपलब्ध करून दिली आहेत. ग्रामीण भागातील लोकांसाठी ही एक मोठी घोषणा करण्यात आलेली आहे. अनेक निकषांमुळे गरीब लोकांना घरे मिळत नव्हती. परंतु आता सरकारने या योजनेसाठी पात्रतेचे निकष शिथिल केलेले आहेत. त्यामुळे यावर्षी महाराष्ट्रात जवळ 20 लाख घरे उपलब्ध करून दिली जाणार आहेत. याबाबतची माहिती केंद्रीय कृषी आणि ग्राम विकास मंत्री शिवराज सिंग चव्हाण यांनी केलेली आहे. यावेळी महाराष्ट्राचे मुख्यमंत्री देवेंद्र फडणवीस उच्च व तंत्र शिक्षण मंत्री चंद्रकांत पाटील ग्राम विकास विभागाचे प्रधान सचिव एकनाथ डवले, डॉक्टर पंजाबराव देशमुख कृषी विद्यापीठाचे कुलगुरू डॉक्टर शरद गडाख संस्थेचे संचालक एस के रॉय देखील उपस्थित होते.
यावर्षी प्रधानमंत्री आवास योजनेच्या अंतर्गत केंद्र सरकारने जवळपास साडेसहा लाख घरे मंजूर केलेली आहेत. आणि आता त्याचे टार्गेट वाढवण्यात आलेला आहे. आणि आता लोकांना अतिरिक्त 13 लाख घरे देखील देण्यात येईल येणार आहे. महाराष्ट्रातील लोकांसाठी ही एक मोठी भेट असणार आहे. आज पर्यंत राज्याला कधी इतक्या संख्येने घर मिळालेली नाहीत.
या योजनेमध्ये अनेक निकष असल्याने गरीब लोकांना याचा फायदा घेता येत नव्हता. परंतु आता ते निकष बदलण्यात आलेले आहेत. याआधी फोन तसेच दुचाकी असलेल्यांना घरी मिळत नव्हती. परंतु आता अशा लोकांना देखील घरी मिळणार आहेत. तसेच ज्या लोकांचे दरमहा उत्पन्न दहा हजार रुपये असायचे त्यांना या योजनेत समावेश केला जात नव्हता. आता ही मर्यादा 15000 रुपये प्रति महिना एवढी करण्यात आलेली आहे. त्याचप्रमाणे 5 एकर कोरडवाहू आणि अडीच एकर बागायती शेती असलेल्या शेतकऱ्यांना देखील ही योजना लागू करण्याचा निर्णय घेण्यात आल्याचे सांगण्यात आलेला आहे.
