औरंगाबाद | गोरगरिबांची लालपरी म्हणून ओळखली जाणारी एसटी आता अधिक सुरक्षित प्रवास देणार आहे. एसटी महामंडळाच्या औरंगाबाद विभागातील शिवनेरी, शिवशाही साधी बस अश्या 356 बस गाड्यांना अँटीमायक्रोबियल केमिकल कोटिंग करण्यात येत आहे. गेल्या दोन दिवसात 50 गाड्यांची कोटिंग झाले असून आरोग्याच्या दृष्टीने हे तंत्र सुरक्षाकवच ठरणार आहे.
एसटीतून प्रवास करताना प्रवाशी अनेक ठिकाणी स्पर्श करतात. त्यामुळे कोरोना सोबतच इतर आजारांचा प्रसार होतो. म्हणून मागील काही दिवसापासून अनेक जण एसटीतून प्रवास करण्याचे टाळत होते. दरम्यान करोना किंवा इतर संसर्गजन्य आजाराचा धोका टाळण्यासाठी एसटीने ही कोटिंग करण्याचा निर्णय घेतला आहे. यासाठी एजन्सी निवडीसाठी निविदा प्रक्रिया राबविण्यात आली आहे. हे मायक्रोबियल केमिकल कोटिंग वैज्ञानिक दृष्ट्या विषाणू जिवाणू पासून संरक्षण देत असल्याचे सिद्ध झाल्याचे सांगण्यात येत आहे.
बस मधील सीट हँड रेस्ट, खिडक्या चालकांची केबिन, दरवाजा, आपत्कालीन दरवाजा, सामान ठेवण्याची जागा आणि ज्या ठिकाणी प्रवासादरम्यान स्पर्श होतो. अशा सर्व ठिकाणी कोटिंग केले जात आहे. सध्या मध्यवर्ती बसस्थानकातील बसगाड्यांच्या कोटींचे काम सुरू आहे. दोन दिवसात सिडको बस स्थानक बसस्थानकातील बस गाड्यांचे ही कोटिंग केली जाणार आहे अशी माहिती विभाग नियंत्रण अरुण सिया यांनी दिली आहे.
