मथुरा-वृंदावनची होळी ही संपूर्ण जगभर प्रसिद्ध आहे. मथुरा ही भगवान श्रीकृष्णाची जन्मभूमी म्हणून ओळखली जाते, तर वृंदावन ही कृष्णाच्या लहानपणीच्या लीलांची साक्षीदार आहे. दरवर्षी येथे मोठ्या उत्साहात आणि जल्लोषात होळी साजरी केली जाते. देश-विदेशातून लाखो भक्त आणि पर्यटक येथे या उत्सवात सहभागी होण्यासाठी येतात. धार्मिक स्थळांच्या दर्शनासोबत येथे खेळली जाणारी रंगांची व फुलांची होळी पर्यटकांसाठी खास आकर्षण असते.
मथुरा-वृंदावनच्या खास होळी प्रकार
ब्रिजची होळी
मथुरा, वृंदावन आणि आसपासच्या परिसरात खेळली जाणारी पारंपरिक होळी. या होळीत कृष्ण आणि राधेच्या लीलांचे दर्शन घडते.
लठमार होळी
बरसाणामध्ये साजरी होणारी ही होळी खूप प्रसिद्ध आहे. येथे महिला पुरुषांना लाठ्या मारतात, तर पुरुष त्यापासून बचाव करण्याचा प्रयत्न करतात.
फुलांची होळी
वृंदावनमधील बांके बिहारी मंदिरात फुलांची होळी खेळली जाते. इथे रंगांच्या ऐवजी रंगीबेरंगी फुलांची उधळण केली जाते. ही होळी एक अद्भुत दृष्य साकारते.
रासलीला
नृत्य, संगीत व नाट्याच्या माध्यमातून राधा-कृष्णांच्या प्रेमकथा सादर केली जाते. ही सांस्कृतिक परंपरा अनुभवण्यासाठीही पर्यटक मोठ्या प्रमाणावर हजेरी लावतात.
तुमच्या होळीच्या प्रवासाची योग्य आखणी करा
मथुरा-वृंदावनच्या होळीचा आनंद घ्यायचा असेल, तर योग्य नियोजन करणे आवश्यक आहे.
यात्रेच्या तारखा ठरवा
होळी यंदा १४ मार्च रोजी आहे. त्यामुळे त्या आधीच मथुरा-वृंदावनमध्ये पोहोचण्याचा विचार करा. किमान एक-दोन दिवस आधी पोहोचल्यास, तुम्हाला स्थानिक कार्यक्रम व उत्सवांचा अधिक आनंद घेता येईल.
वाहतुकीची आगाऊ बुकिंग करा
त्योहाराच्या काळात मथुरा व वृंदावनकडे येणाऱ्या गाड्यांमध्ये मोठी गर्दी असते. ट्रेन, बस किंवा टॅक्सी यांची बुकिंग आधीच करून ठेवा. दिल्ली, आग्रा किंवा जयपूरसारख्या जवळच्या शहरांमधून नियमित सेवा उपलब्ध असतात, पण शेवटच्या क्षणी तिकीट मिळणे कठीण होऊ शकते.
राहण्याची सोय आधीच बुक करा
होळीच्या काळात मथुरा-वृंदावनमध्ये मोठ्या संख्येने पर्यटक येतात. त्यामुळे हॉटेल्स, धर्मशाळा, गेस्ट हाऊस काहीही असो, तुमच्या सोयीप्रमाणे ऑनलाइन बुकिंग आधीच करून ठेवा.
प्राधान्य आणि बजेटनुसार निवास व्यवस्था
अनेक प्रकारच्या निवास सुविधा येथे उपलब्ध आहेत. तुमच्या बजेटनुसार आणि गरजेनुसार निवड करा. धार्मिक स्थळांच्या जवळ राहण्याचे बुकिंग मिळाल्यास उत्सवाचा आनंद अधिक घेता येतो.
होळीच्या जल्लोषासाठी तयार राहा!
मथुरा-वृंदावनची होळी ही केवळ एक सण नसून, ती श्रीकृष्णाच्या लीलांचा उत्सव आहे. रंग, संगीत, नृत्य आणि भक्तिभाव यांनी नटलेला हा सोहळा आयुष्यात एकदा तरी अनुभवायलाच हवा.
