Mazi Bahin Ladki Yojana | महाराष्ट्र सरकारने नागरिकांसाठी अनेक नवनवीन योजना आणलेल्या आहेत. अशातच आता महाराष्ट्र सरकारने मुख्यमंत्री माझी लाडकी बहीण योजना (Mazi Bahin Ladki Yojana) आणलेली आहे. या योजनेमध्ये सध्या सरकारने काही अटी आणि नियमांमध्ये बदल केलेले आहे. या बदलामुळे आता नागरिकांना अर्ज भरणे आणि त्याचप्रमाणे कागदपत्रांची पूर्णता करणे सोपे झाले आहे. सुरुवातीला या योजनेचा अर्ज करताना उत्पन्नाचा दाखला आणि रहिवासी प्रमाणपत्र असणे गरजेचे होते. परंतु आता महिलांना या कागदपत्रांची पूर्तता न करता देखील योजनेचा लाभ घेता येणार आहेत. आता या ऐवजी कोणती कागदपत्र द्यावी लागणार आहेत? हे आपण जाणून घेऊया.
महाराष्ट्र सरकारने या योजनेचा अर्ज भरण्याची मुदत देखील वाढवलेली आहे आता महिलांना 31 ऑगस्ट 2024 पर्यंत अर्ज करता येणार आहे. या योजनेचा लाभ जास्तीत जास्त महिलांना घेता यावा. यासाठी सरकारने योजनांमध्ये काही बदल केलेला आहे. त्याचप्रमाणे काही अटी देखील बदललेल्या आहेत. तुम्ही 31 ऑगस्ट 2024 पर्यंत अर्ज करायचा आहे. त्यानंतर लाभार्थी महिलांना 1 जुलै 2024 पासून दर महिन्याला 1500 रुपये त्यांच्या खात्यात जमा होणार आहेत.
कोणत्या कागदपत्राची पूर्तता करावी लागेल | Mazi Bahin Ladki Yojana
- रेशन कार्ड
- मतदार ओळखपत्र
- शाळा सोडल्याचा दाखला
- जन्म दाखला
ज्या महिलांचा जन्म परराज्यात झालेला असेल आणि त्यांनी महाराष्ट्रातील पुरुषासोबत विवाह केला, असेल तर त्यांना त्यांच्या पतीचा जन्म दाखला आणि शाळा सोडल्याचे प्रमाणपत्र रहिवासी प्रमाणपत्र द्यावे लागणार आहे. या योजनेचा लाभ घेण्यासाठी महिलांचे उत्पन्न हे अडीच लाखांच्या आत असणे गरजेचे आहे. ज्यांच्याकडे उत्पन्नाचा दाखला नसेल, त्या कुटुंबाकडे पिवळे किंवा केशरी रेशन कार्ड उपलब्ध असणे गरजेचे आहे. या योजनेची खास गोष्ट म्हणजे योजनेतील एका पात्र अविवाहित महिलेला देखील योजनेचा लाभ मिळणार आहे.