Mhada Lottery 2024 : सध्यच्या महागाईच्या जमान्यात सर्वसामान्य व्यक्तींना घर घेणे म्हणजे एखाद्या स्वप्नासारखे आहे. त्यातही पुणे मुंबई सारख्या मोठ्या शहरात आपले हक्काचे घर घेणे मोठे जिकिरीचे होऊन बसले आहे. याचे मुख्य कारण म्हणजे या मोठ्या शहरांमध्ये घरांच्या वाढलेल्या किंमती. मागच्या काही वर्षात घरांच्या किमती गगनाला भिडल्या आहेत. अशा स्थितीत हक्काच्या घराचे स्वप्न पूर्ण करण्यासाठी ‘म्हाडा ‘ची योजना वरदान ठरते. पण म्हाडा (Mhada Lottery 2024) चा अर्ज भरायचा कसा ? त्यासाठी कोणती कागदपत्रे आवश्यक असतात ? चला पाहूया…
नोंदणी करण्यासाठी (Mhada Lottery 2024)
तुम्हाला जर म्हाडा साठी सर्जा करायचा असेल तर सर्वात आधीच रजिस्ट्रेशन म्हणजेच नोंदणी करावी लागेल. यासाठी तुम्ही म्हाडा ची अधिकृत वेबसाईट housingmhada.gov.in वर जाऊ शकता. ही नोंदणी करत असताना तुम्हाला या नोंदणीसाठी आधार आणि पॅन कार्ड ची आवश्यकता लागेल. याशिवाय तुम्हाला इतर माहिती देखील भरावी लागेल त्यानंतर तुम्ही म्हाडा (Mhada Lottery 2024) मध्ये अर्ज करण्यासाठी पात्र ठराल.
म्हाडासाठी अर्ज करताना तुम्ही कोणत्या कोट्यातून आणि गटातून फॉर्म भरणार आहात हे आधी ठरवा कारण सर्वांना न्याय मिळावा म्हणून म्हाडामध्ये विभाग वारी करण्यात आली आहे. पत्रकार कोटा, डॉक्टर, स्वातंत्र्यसैनिक इत्यादी अनेक विभाग आहेत. मग तुमच्या पगाराच्या (Mhada Lottery 2024) उत्पन्नानुसार त्या गटामध्ये तुम्ही अर्ज करू शकता.
कागदपत्रे
- पॅन कार्ड
- आधार कार्ड
- कॅन्सल चेक
- अधिवास प्रमाणपत्र
- वाहन चालवण्याचा परवाना
- पासपोर्ट साईज फोटो
- जन्म प्रमाणपत्र
- अर्जदाराच्या संपर्काचे तपशील.
कोण करू शकते अर्ज? (Mhada Lottery 2024)
म्हाडाच्या घरासाठी अठरा वर्षावरील कोणताही नागरिक अर्ज करू शकतो. शिवाय त्यांनी महाराष्ट्रात किमान 15 वर्ष वास्तव्यास असणे गरजेचे आहे. म्हाडाचे अर्ज करताना अनेकांना अडचणींचा सामना करावा लागतो अशावेळी तुमचे प्रश्नांची उत्तरे देण्यासाठी 02226598924/9834637538 या क्रमांकावर तुम्ही कॉल करू शकता शिवाय,18004250018 या क्रमांकावर ही संपर्क साधू शकता. लॉटरीमध्ये तुमचे नाव दिसल्यास तुम्हाला कागदपत्रे जमा करावी लागतील. आधी कागदपत्रे नसल्यास म्हाडा तुम्हाला वेळ द्यायचा परंतु नवीन नियमानुसार तुम्हाला दिलेल्या तारखेला सर्व कागदपत्र जमा करावे लागतील.
या चुका टाळा (Mhada Lottery 2024)
तुमचं नाव पत्ता आणि कामाची माहिती अचूकपणे द्या कागदपत्र तपासताना काही तफावत आढळल्यास तुमचा फॉर्म रद्द केला जातो. नोंदणी आणि पेमेंट पावत्या दोन्ही डाऊनलोड करा आणि जपून ठेवा. या पावत्या हरवल्यास तुम्ही अडचणीत येऊ शकता. म्हाडाची फाईल करताना नेहमी चार फाईल तयार करा. एक बँकेसाठी दुसरी म्हाडा कार्यालयासाठी आणि दोन तुमच्यासाठी कारण फाईल गहाळ होण्याची अनेक प्रकरण समोर आली आहेत
महत्वाची गोष्ट
आणखी एक महत्त्वाची गोष्ट म्हणजे तुम्हाला म्हाडाचे (Mhada Lottery 2024) घर मिळाले नाही तर अर्ज भरून दाराने भरलेली रक्कम सात दिवसात परत केले जाते तुम्ही म्हाडाच्या वेबसाईटवर तुमच्या प्रोफाईल मध्ये लॉगिन करून ते तपासू शकता.