भाईंदर | सासरच्या लोकांकडून होत असलेल्या हुंड्याच्या छळाला कंटाळून गर्भवती महिलेने रेल्वेखाली जीव दिल्याचा धक्कादायक प्रकार मुंबईजवळी मीरा भाईंदर येथे घडला आहे. माहेरच्या माणसांकडून बुलेट गाडी घेण्यासाठी पैसे आण असे म्हणत रेणुका यादव या महिलेचा प्रचंड छळ होत होता. सासरच्या या त्रासाला कंटाळून रेणुका यांनी भाईंदर मध्ये रेल्वे स्टेशनवर लोकल ट्रेन खाली जीव दिला अाहे.
हाती आलेल्या माहितीनुसार, ही घटना हुंडाबळीची असून सर्व प्रकार सीसीटीव्ही कामेऱ्यात कैद झाला आहे. सीसीटिव्ही फुटेजमधे सदरील महिला तिच्या दोन वर्षांच्या मुलीसहित रेल्वे येण्याच्या काही सेकंद अगोदर रेल्वे रुळावर झोपता दिसत आहे. रेणुका यादव ही गर्भवती होती तसेच तिच्या सोबत दोन वर्षांची मुलगी ही मरण पावली आहे. या अपघातात तीन जीव गेले असल्याने रेल्वेस्थानकावरील बघ्यांनी हळहळ व्यक्त केली.
रेणुका यादव हिचा पती पिंटू यादव याला भाईंदर पोलिसांनी अटक केली आहे. तसेच रेणुकाच्या सासूची आणि सासऱ्याची पोलीस कसून तपासणी करत आहेत.
इतर महत्वाचे –