Mumbai Pune Expressway : मुंबई- पुणे एक्सप्रेस वे हा नेहमीच प्रवाशांनी गजबजलेला असतो. मुंबई आणि पुण्याला जोडणाऱ्या या महामार्गावरून दररोज हजारो प्रवासी प्रवास करत असतात. मात्र आता मुंबई पुणे एक्सप्रेस वरून प्रवास करणाऱ्या प्रवाशांसाठी महत्वाची बातमी आहे. उद्या गुरुवारी म्हणजेच 17 जानेवारीला मुंबई पुणे महामार्गावर तब्बल 6 तासांचा मेगा ब्लॉक आहे. पनवेल-कर्जत दुहेरी मार्ग उपनगरी रेल्वे कॉरिडोरच्या कामासाठी सकाळी 11 ते सायंकाळी पाच वाजेपर्यंत हा ब्लॉक राहणार आहे. त्यामुळे प्रवास करताना आधीच याबाबत माहिती घ्या आणि पर्यायी मार्ग कोणता ते जाणून घ्या.
कुठे राहील ब्लॉक –
चिखले रेल्वे ओव्हर ब्रिज, यशवंतराव चव्हाण द्रुतगती मार्ग (मुंबई पुणे द्रुतगती मार्ग), स्टार्टींगच्या ठिकाणापासून 7.560 किलोमीटर अंतरावर हा ब्लॉक असेल
पर्यायी मार्ग कोणते – Mumbai Pune Expressway
1) Mumbai Pune Expressway वरून पुण्याहून मुंबईकडे जाणाऱ्या हलक्या वाहनांना मुंबई लेन Km 55.000 येथून बाहेर पडण्याचा आणि मुंबई-पुणे राष्ट्रीय महामार्ग क्रमांक 48 द्वारे मार्गाने पुढे जाण्याचा पर्याय आहे.
2) पुण्याहून मुंबईकडे जाणाऱ्या हलक्या वाहनांसाठी आणि बसेससाठी पर्यायी मार्ग उपलब्ध आहे. तुम्ही मुंबई लेन 39.800, खोपोलीच्या बाहेर पडू शकता आणि मुंबई-पुणे राष्ट्रीय महामार्ग क्रमांक 48 वर पुढे जाऊ शकता.
3. Mumbai Pune Expressway वरील खालापूर टोल गेटवरील शेवटची लेन पुण्याहून मुंबईकडे जाणाऱ्या सर्व वाहनांना वापरता येईल. ते 32.500 km वरून खालापूर एक्झिटकडे वळू शकतात आणि मुंबई-पुणे राष्ट्रीय महामार्ग क्रमांक 48 वर खोपोली मार्गे शेडुंग टोल प्लाझा मार्गे त्यांचा प्रवास सुरू राहील.
4) पुण्याहून मुंबईकडे जाणाऱ्या वाहनांना मुंबई लेन 9.600 पनवेल एक्झिट वरून वळसा घालून करंजाडे मार्गे कळंबोली येथे जाण्यासाठी मुंबा पुणे राष्ट्रीय महामार्ग क्रमांक 48 चा वापर करण्याचा पर्याय आहे.
5) मुंबई-पुणे राष्ट्रीय महामार्ग क्रमांक 48 वरून पुण्याहून मुंबईकडे जाणारी सर्व वाहने शेडुंग फाट्यावरून पनवेलच्या दिशेने वळवली जातील.
मुंबई-पुणे एक्स्प्रेस वेच्या मुंबई चॅनलवर हलक्या आणि जड अशा सर्व वाहनांना नियुक्त केलेल्या वेळेत मनाई असेल. प्रवाशांनी त्यानुसार त्यांच्या प्रवासाचे नियोजन करावे आणि कोणतीही गैरसोय टाळण्यासाठी दिलेल्या सर्व पर्यायी मार्गांचा वापर करावा असा सल्ला दिला जातो.