Navratri 2024 | आपल्या भारतात प्रत्येक सण उत्सवाला खूप जास्त महत्त्व आहे. प्रत्येक सण हा मोठ्या उत्साहाने आणि आनंदाने साजरा केला जातो. नुकतेच गणपती उत्सव पार पडलेले आहेत. आणि त्या 3 ऑक्टोबर पासून भारतात नवरात्रीला सुरुवात होणार आहे. असे म्हणतात की, या नवरात्रीच्या दिवसांमध्ये दुर्गामाता ही पृथ्वीवर उतरलेली असते. आणि नऊ दिवस ती वेगवेगळे रूप घेत असते. आणि या काळात तिच्या भक्तांच्या इच्छा देखील पूर्ण करत असते. त्यामुळे सगळेजण या नऊ दिवसात देवीची खूप भक्ती भावाने पूजा करतात. आणि हा सण थाटामाटा साजरा करतात. केवळ देवीचीच नाही तर काशी विश्वनाथ मंदिरातही यावर्षी पहिल्यांदाच नऊ दिवस वेगवेगळ्या देवींची पूजा केली जाणार आहे. भगवान शिवाच्या नगरीतही यावर्षी नवरात्र मोठ्या थाटामाटात साजरा होणार आहे. त्यामुळे मंदिर प्रशासनाचा नवरात्रीच्या तयारीमध्ये खूप व्यस्त आहेत काशी विश्वनाथ मंदिरातील गाभाऱ्यामध्ये मातेला बसवले जाणार आहे. तसेच मंदिर परिसरात कलशाची स्थापना देखील करण्यात येणार आहे.
मंदिर प्रशासनाने दिलेल्या माहितीनुसार काशी विश्वनाथ मंदिरातील मातेची भक्ति नऊ दिवस गर्भगृहात मातेचे विविध रूपाची पूजा करणार आहेत. तसेच भक्ती भावाने आराधना करणार आहे. त्यामुळे यावर्षी पहिल्यांदाच काशी विश्वनाथ मंदिरात नवरात्रीच्या काळात भक्तांना भगवान विश्वनाथांचा पार्वतीची विविध रूपे देखील पाहता येणार आहे. त्याचप्रमाणे नऊ दिवस विविध धार्मिक विधी देखील पूर्ण होणार आहेत.
3 ऑक्टोबर रोजी कलश स्थापना | Navratri 2024
3 ऑक्टोबर रोजी शारदीय नवरात्रीच्या पहिल्या दिवशी सर्वार्थ सिद्धी योग आणि शुभ मुहूर्तावर विधीनुसार कलशाची स्थापना केली जाईल. कलशाच्या स्थापनेसोबतच देवीची दैनंदिन पूजा आणि सांस्कृतिक कार्यक्रमही आयोजित केले जाणार आहेत. बनारस लोकगीते पचारा, बंगाली लोकनृत्य धनुची, महिषासुरमर्दिनी स्तोत्रावरील नृत्य, राम-रावण युद्ध, रामायणातील अनेक पात्रांसह रामायणातील चौपैसांचे सादरीकरणही होणार आहे.
9 दिवसांचा कार्यक्रम असा असेल
पहिल्या दिवशी संध्याकाळी मंदिराच्या चौक आवारात भजन लोकगीताचा कार्यक्रम होणार आहे. दुसऱ्या दिवशी रामलीला रंगणार आहे. तिसऱ्या दिवशी रावणाचा वध केला जाईल, त्यानंतर मंदिर पारिसममध्ये अनेक सांस्कृतिक कार्यक्रमांचे आयोजन केले जाईल. चौथ्या दिवशी बंगाली लोकनृत्य सादर केले जाईल आणि पाचव्या दिवशी 51 मातृशक्तींद्वारे 51 शक्तीपीठांचे प्रतिबिंब ललिता सहस्त्रत्र सादर केले जाईल. सहाव्या दिवशी महिषासुर मर्दिनी स्तोत्रावर नृत्य, सातव्या दिवशी देवीचे भजन, आठव्या दिवशी देवीची नऊ रूपे दाखविली जातील, नवव्या दिवशी सकाळी हवन पूजा व सायंकाळी भजनाचा कार्यक्रम होईल.