हॅलो महाराष्ट्र ऑनलाईन । EPFO ( कर्मचारी भविष्य निर्वाह निधी संघटना ) ने आपल्या सदस्यांसाठी एक महत्त्वाचा निर्णय घेतला असून, EPF क्लेम सेटलमेंट प्रक्रियेत व्याज देण्याच्या नियमांमध्ये मोठा बदल केला आहे. या निर्णयामुळे कोट्यवधी कर्मचाऱ्यांना दिलासा मिळणार आहे, तसेच त्यांच्या भविष्य निर्वाह निधीच्या ( Employees’ Provident Fund ) रकमेवर अधिक व्याज मिळणार आहे. त्यामुळे अनेक कर्मचाऱ्यांमध्ये आनंदाचे वातावरण निर्माण झाले आहे. चला तर जाणून घेऊयात यात कोणते बदल झाले आहेत.
नवीन नियम –
आधीच्या नियमांनुसार, EPF दाव्यांवर व्याज महिन्याच्या 24 तारखेपर्यंतच देण्यात येत होते . तसेच त्यानंतरच्या कालावधीसाठी व्याजाची तरतूद नव्हती. पण , नवीन नियमानुसार, दाव्या बंद होण्याच्या तारखेपर्यंत व्याजाची गणना होणार आहे. त्यामुळे या निर्णयामुळे कर्मचाऱ्यांच्या खात्यात जादा पैसे जमा होणार आहेत. यासाठी कर्मचारी भविष्य निर्वाह निधी संघटनेच्या केंद्रीय विश्वस्त मंडळाने (CBT) EPF योजना 1952 च्या परिच्छेद 60(2)(b) मध्ये सुधारणा केली आहे. याचा मोठा फायदा लोकांना होताना दिसणार आहे.
क्लेम सेटलमेंटचा कालावधी कमी –
EPFO च्या नव्या निर्णयामुळे EPF सदस्यांना त्यांच्या दाव्यांवर अधिक व्याज मिळण्याची संधी मिळेल. यामुळे कर्मचाऱ्यांच्या खात्यात अधिक रक्कम जमा होईल, कारण दावा निकाली निघण्याच्या तारखेपर्यंत त्यांना व्याज मिळेल. यामुळे दाव्यांची प्रक्रिया गतीमान होईल आणि प्रलंबित दाव्यांची संख्या कमी होणार आहे , ज्यामुळे क्लेम सेटलमेंटचा कालावधी कमी होईल. या बदलामुळे कर्मचाऱ्यांना त्यांच्या हक्काचे व्याज मिळेल. EPFO च्या या निर्णयामुळे लाखो कर्मचाऱ्यांना आर्थिक दृष्ट्या फायदा होईल, कारण व्याजदराचे नुकसान टाळल्यामुळे कर्मचारी अधिक समाधानाने EPF योजनांचा लाभ घेऊ शकतील.
सुरक्षेच्या दृष्टीने महत्त्वाचे पाऊल –
देशातील सुमारे सात कोटी सक्रिय सदस्यांसाठी EPFO ही महत्त्वाची संस्था आहे. कर्मचाऱ्यांच्या पगारातून योगदान स्वरूपात जमा होणारा भविष्य निर्वाह निधी EPFO व्यवस्थापित करते. या निधीवर व्याज मिळते तसेच निवृतीच्या सुरक्षेच्या दृष्टीनेत्तीनंतर याच निधीतून पेन्शनही मिळते. EPFO च्या या निर्णयाने आर्थिक सुरक्षेच्या दृष्टीने एक महत्त्वाचे पाऊल उचलले आहे .
