महाराष्ट्रातील नागरिकांसाठी एक आनंदाची आणि महत्त्वाची बातमी समोर आली आहे. राज्याला आणखी एक सहापदरी महामार्ग मिळणार असून, यामुळे मुंबई आणि इतर प्रमुख शहरांमध्ये प्रवासाचा अनुभव अधिक वेगवान आणि आरामदायक होणार आहे. समृद्धी महामार्गाचे काम आता अंतिम टप्प्यात आले असून, त्यानंतर आणखी एक महामार्ग प्रकल्प केंद्र सरकारने मंजूर केला आहे.
आणखी एक महामार्ग
मुंबई ते नागपूर दरम्यान असलेल्या समृद्धी महामार्गाचे 701 किलोमीटर लांबीचे प्रकल्प आता जवळपास पूर्ण होण्याच्या मार्गावर आहे. विशेषत: नागपूर ते इगतपुरी 625 किलोमीटर लांबील मार्ग सध्या वाहतुकीसाठी खुला आहे, आणि त्याच्या शिल्लक 76 किलोमीटर लांबीचा भाग लवकरच सुरू होणार आहे. त्यामुळे मुंबई ते नागपूरच्या प्रवासाला आणखी गती मिळणार आहे.
नवा सहापदरी महामार्ग
महाराष्ट्राला आता आणखी एका महत्वाच्या सहापदरी महामार्गाचे वरदान मिळणार आहे! केंद्रीय कॅबिनेटच्या आर्थिक व्यवहार समितीने 19 मार्च 2025 रोजी 29.219 किमी लांबीच्या सहा-लेन प्रवेश नियंत्रित राष्ट्रीय महामार्गाला मंजुरी दिली आहे. हा महामार्ग जेएनपीए पोर्ट (पागोटे) ते चोक या मार्गावर तयार होणार असून, हा प्रकल्प भारताच्या “बिल्ड, ऑपरेट अँड ट्रान्सफर” (BOT) तत्त्वावर उभारला जाईल.
महामार्गाचा रूट
हा नवा महामार्ग जेएनपीए पोर्ट (NH 348) पासून सुरू होऊन, मुंबई-पुणे महामार्ग (NH-48) पर्यंत जाईल. विशेष म्हणजे, मुंबई-पुणे द्रुतगती मार्ग आणि मुंबई-गोवा महामार्ग (NH-66) यांना जोडून, मुंबई आणि गोवा दरम्यानचा प्रवास अधिक सुलभ आणि जलद होईल. सरकारच्या मते, या मार्गामुळे मुंबई ट्रान्स हार्बर ब्रिज (अटल सेतू) पासून गोवा महामार्गाकडे जाण्याचा प्रवास केवळ 20-30 मिनिटांत पूर्ण होईल.
औद्योगिक आणि व्यापारी विकासास चालना
या महामार्गामुळे मुंबई, पुणे आणि गोवा अशा प्रमुख शहरांमधील कनेक्टिव्हिटीला सुधारणा होईल. ते फक्त प्रवाशांसाठीच नाही, तर व्यापार, उद्योग, आणि मालवाहतूक क्षेत्रासाठी सुद्धा महत्त्वाचे ठरणार आहे. मुंबई आणि पुणे परिसरातील औद्योगिक वाढीला चालना मिळेल आणि बंदरांसोबतच्या जोडणीमुळे मालवाहतुकीला अधिक कार्यक्षम आणि सुरक्षित मार्ग मिळेल.
30 किमी लांबीचा टप्पा 30 महिन्यांत पूर्ण
या प्रकल्पाच्या प्राथमिक 30 किलोमीटर लांबीचा भाग 30 महिन्यांच्या आत पूर्ण करण्याचे उद्दिष्ट आहे. यामुळे महाराष्ट्रातील वाहतुकीचा त्रास कमी होईल आणि प्रवासाच्या वेळेत मोठी बचत होईल. सध्याच्या परिस्थितीत, जेएनपीए पोर्ट ते मुंबई-पुणे एक्सप्रेसवेपर्यंत पोहोचण्यासाठी प्रवाशांना 2-3 तास लागतात. मात्र, या नवा मार्ग तयार झाल्यानंतर, प्रवास लक्षणीयरीत्या जलद होईल.
2025 मध्ये नवी मुंबई विमानतळ सुरू झाल्यानंतर वाहतुकीची गर्दी आणखी वाढणार आहे. अशा स्थितीत, या मार्गावर थेट कनेक्टिव्हिटीची गरज वाढेल आणि हा नवीन महामार्ग त्यासाठी आदर्श उपाय ठरेल. हे नवे सहापदरी महामार्ग महाराष्ट्रातील परिवहन सुविधा, औद्योगिक वाढ आणि व्यापारी क्षेत्राला नवीन दिशा देणार आहेत. एकाच वेळी, ते प्रवाशांना सोयीचे आणि सुरक्षित प्रवास प्रदान करतील, तर व्यापारी वाहतुकीला अधिक कार्यक्षम बनवतील. महाराष्ट्राच्या वाढत्या विकासात या महामार्गांचा महत्त्वपूर्ण वाटा असेल!
