नवी दिल्ली | सर्वोच्च न्यायालयातील वरिष्ठ न्यायाधीश असलेले रंजन गोगोई हे पुढील सरन्यायाधीश म्हणून पदभार स्विकारतील अशी शक्यता आहे. कारण, विद्यमान सरन्यायधीश दीपक मिश्रा यांनी याबाबत त्यांच्या नावाला पसंती दिली असून , तसे शिफारस पत्र त्यांनी विधी मंत्रालयाकडे पाठवले आहे. त्यामुळे येत्या ०३ ऑक्‍टोबर रोजी ते सरन्यायाधीशपदी विराजमान होण्याची शक्यता वर्तवण्यात येत आहे.
दरम्यान, या वर्षीच्या सुरवातीला सरन्यायाधीश दीपक मिश्रा यांच्याविरोधात सर्वोच्च न्यायालयातील चार वरिष्ठ न्यायाधीशांनी उघडपणे पत्रकार परिषद घेऊन बंड पुकारले होते, त्यात रंजन गोगोई यांचा देखील समावेश होता.