हॅलो महाराष्ट्र ऑनलाईन । औरंगजेब हिंदूद्वेष्टा नव्हता असं वादग्रस्त विधान राष्ट्रवादी काँग्रेसचे आमदार जितेंद्र आव्हाड (Jitendra Awhad) यांनी केल्यांनतर राज्यात नव्या वादाला तोंड फुटले. त्याच पार्श्वभूमीवर भाजप आमदार नितेश राणे (Nitesh Rane) यांनी आव्हाडांना खरमरीत पत्र पाठवलं आहे. या पत्रात औरंगजेबाने कोणकोणती हिंदू मंदिरे तोडली याची यादी जाहीर केली. तसेच तुमचे सर्वस्व एकदाही महाराजांच्या समाधीवर नतमस्तक झालेले नाहीत असं म्हणत नितेश राणे यांनी नाव न घेता शरद पवारांवर (Sharad Pawar) सुद्धा निशाणा साधला आहे.
“आपण औरंग्याबाबत ”औरंगजेब क्रूर असता तर विष्णूचं मंदिरही तोडलं असतं ना?“ असे केलेले वक्तव्य स्वाभिविकच आहे, कारण आपले सर्वस्व यांची श्रद्धा औरंगजेबावर आहे हे केव्हाच सिद्ध झाले आहे! कारण त्यांनी आपल्या तहआयुष्यात कधीही आमच्या हिंदवी स्वराज्याचे संस्थापक छत्रपती शिवाजी महाराजांच्या समाधीवर एकदाही नतमस्तक केले नाही किंवा रायगडाच्या दिशेने त्यांचे कधी पाय वळाले नाही” असं नितेश राणे यांनी आपल्या ट्विट मध्ये म्हटलं आहे.
To @Awhadspeaks pic.twitter.com/xXOkHbdnpM
— nitesh rane (@NiteshNRane) January 4, 2023
“काकाप्रमाणे पुतण्यांही हिंदू धर्मासाठी आपल्या प्राणाची आहुती देणारे छत्रपती संभाजी महाराज हे ‘धर्मवीर ‘ नाहीत असे घोषित करतो. औरंगजेबाने धर्मांतर करण्यासाठी छत्रपती संभाजी महाराजांना नरक यातना दिल्यातरी धर्मवीर छत्रपती संभाजी महाराजांनी हिंदूधर्मासाठी बलिदान दिले. आपल्या माहितीकरता मी आपल्याला या पत्रासोबत औरंग्याने तोडलेल्या हिंदू मंदीरांची यादी देत आहे. मला खात्री आहे, आपण हे तथ्य आपल्या मुघलशाहीच्या आस्थेपोटी स्वीकारणार नाही. जय जिजाऊ जय शिवराय. असं म्हणत नितेश राणे यांनी आव्हाडांचा समाचार घेतला आहे.
औरंगजेबाने खालील हिंदू मंदिरे पाडल्याचा राणेंचा दावा
सोमनाथ मंदीर
कृष्ण जन्मभूमी मंदीर
काशी विश्वनाथ मंदीर
विशश्वेर मंदीर गोविंददेव मंदीर
विजय मंदीर
भीमादेवी मंदीर
मदन मोहन मंदीर
चौंषष्ठ योगिनी मंदीर
एलोरो मंदीर
त्र्यंबकेश्वर मंदीर
नरसिंगपूर मंदीर