नोबेलनगरी | लेझर किरणांच्या अभ्यासासाठी २०१८ सालातील भौतिकशास्त्राचं नोबेल पारितोषिक जाहीर झालं आहे. आर्थर अष्कीन, गेरार्ड मौरौ, डॉना स्ट्रिकलांड यांना संयुक्तरित्या हे पारितोषिक मिळणार आहे. आर्थर अष्कीन यांना ऑप्टिकल ट्वीझ्झरची निर्मिती व त्याचा जैविक संस्थांवर होणारा परिणाम या शोधासाठी तर मौरौ आणि स्ट्रिकलांड यांना कमी आकाराचे आणि अधिक क्षमतेचे ऑप्टिकल पल्सेस बनविण्याच्या शोधासाठी हा पुरस्कार जाहीर झाला आहे. या पुरस्काराची अर्धी रक्कम आर्थर यांना मिळणार असून उर्वरीत रक्कम बाकी दोघींमध्ये वितरित होईल.
