Paris Olympics 2024 live stream। खेळाचा महाकुंभ म्हणून ओळखल्या जाणाऱ्या ऑलिम्पिक स्पर्धेला आजपासून सुरुवात होणार आहे. यंदाची ऑलिम्पिक पॅरिस मध्ये आयोजित करण्यात आली असून जगभरातुन 200 हून अधिक देशांतील खेळाडू पॅरिसमध्ये दाखल झाले आहेत. 26 जुलैपासून ते 11 ऑगस्ट पर्यंत ऑलिम्पिकचे नियोजन करण्यात आलं आहे. यावर्षीच्या ऑलिम्पिक मध्ये एकूण ३२ खेळ खेळण्यात येतील आणि 329 स्पर्धांचे आयोजन करण्यात आलं आहे . सर्वानाच काय ऑलिम्पिक चा आनंद लुटण्यासाठी पॅरिसला जाणे शक्य नाही. परंतु तुम्ही घरबसल्या टीव्ही किंवा मोबाईलच्या साहाय्याने ऑलिम्पिक सामने बघू शकता. आज Olympics ची ओपनिंग सेरेमनी आहे. ती कुठे आणि कशी बघावी हेच आज आम्ही तुम्हाला सांगणार आहोत.
रात्री 11 वाजता ओपनिंग सेरेमनी- Paris Olympics 2024 live stream
भारतीय वेळेनुसार रात्री 11 वाजता 26 जुलै2024 रोजी पॅरिस ऑलिम्पिक ओपनिंग सेरेमनी सुरु होईल. भारतीय मीडिया कंपनी Viacom18 ने भारतात पॅरिस 2024 ऑलिम्पिकचे प्रसारण करण्याचे विशेष अधिकार प्राप्त केले आहेत. डिजिटल पार्टनर 26 जुलैपासून उन्हाळी ऑलिंपिकचे कव्हरेज देईल. Viacom18 संपूर्ण कार्यक्रमात 20 समवर्ती फीड्स ऑफर करेल. (Paris Olympics 2024 live stream)
Sports18 नेटवर्क पॅरिस ऑलिंपिक 2024 प्रसारित करेल आणि JioCinema सोबत सर्वसमावेशक कव्हरेज सुद्धा देईल.
Sports18 – 1 तमिळ आणि तेलगू भाषेच्या पर्यायांव्यतिरिक्त क्रीडा स्पर्धांचे इंग्रजीमध्ये प्रसारण करेल.
Sports18 – 2 हिंदीमध्ये ऑलम्पिकचे लाईव्ह कव्हरेज देईल.
तुम्ही जर मोबाईल वरून पॅरिस ऑलिम्पिकचे लाईव्ह स्ट्रीमिंग पाहू इच्छित असाल तर त्यासाठी तुम्हाला जिओ सिनेमा अँप तुमच्या मोबाईल मध्ये डाउनलोड करावं लागेल आणि मोबाईल नंबर टाकून सुरु करावं लागेल. याठिकाणी तुम्ही अगदी फ्री मध्ये ऑलिम्पिकचे लाईव्ह स्ट्रीमिंग पाहू शकाल. यासाठी तुम्हाला कोणतेही शुल्क भरण्याची आवश्यकता नाही.
यंदाच्या पॅरिस ऑलिम्पिकचा उद्घाटन सोहळा ऐतिहासिक असेल कारण उद्घाटन सोहळा स्टेडियमच्या बाहेर होणार आहे. ऑलिम्पिकच्या इतिहासात हे पहिल्यांदाच घडणार आहे. या भव्य दिव्य उद्घाटन सोहळ्याला सुमारे 6 लाख लोक उपस्थित राहण्याची अपेक्षा आहे. पॅरिसमध्ये 80 मोठे स्क्रीन लावण्यात येणार आहेत. जेणेकरून संपूर्ण शहरातील लोकांना Olympics ची ओपनिंग सेरेमनी पाहता येईल.