हॅलो महाराष्ट्र ऑनलाईन : कॉंग्रेसचे नेते अधीर रंजन चौधरी यांनी रावणाच्या मुलांबरोबर भाजपची तुलना केल्याने लोकसभेत खळबळ उडाली आहे. केंद्रीय मंत्री प्रल्हाद जोशी म्हणाले की आम्ही भाजपचे लोकच गांधींचे अस्सल भक्त आहोत तर हे काँग्रेसचे लोक बनावट गांधींचे भक्त आहेत.
Union Minister Pralhad Joshi in Lok Sabha: We, people of Bharatiya Janata Party, are the real bhakts. We are the real followers of Mahatma Gandhi. These people are the followers of ‘nakli’ Gandhi like Sonia Gandhi and Rahul Gandhi. https://t.co/c9qURUYBJ9 pic.twitter.com/0JWlnz51NY
— ANI (@ANI) February 4, 2020
लोकसभेच्या शून्य तासाच्या सुरूवातीला जेव्हा कॉंग्रेसचे नेते अधीर रंजन चौधरी बोलण्यासाठी उभे राहिले, तेव्हा गोंधळ उडाला. ते म्हणाले की, देशभरात नागरिकता दुरुस्ती कायद्याचा (सीएए) विरोधात शांततेत निषेध होत आहे, कोठेही वाद नाही.
दरम्यान, खासदार अधीर रंजन चौधरी यांनी भाजपवर निशाणा साधताना म्हटले आहे की, हे लोक महात्मा गांधींना शिवीगाळ करीत आहेत. महात्मा गांधींना राम यांचे पुजारी म्हणत कॉंग्रेस नेते अधीर रंजन म्हणाले की, ते रामच्या पुजार्याचा अपमान करीत आहेत. यावेळी कॉंग्रेसच्या या नेत्याने भाजप नेत्यांची तुलना ‘रावणाच्या मुलाशी केली.
लोकसभेत गदारोळ
अधीर रंजन चौधरी यांच्या या वक्तव्यानंतर लोकसभेत जोरदार गदारोळ झाला आणि खासदारांनी त्यांच्या वक्तव्यावर आक्षेप घेतला. लोकसभा अध्यक्ष ओम बिर्ला यांनी हे विधान संसदेच्या कार्यवाहीतून वगळले.
दरम्यान, केंद्रीय मंत्री प्रल्हाद जोशी यांनी लोकसभेत सांगितले की आम्ही, भारतीय जनता पक्षाचे लोक खरे भक्त आहोत. आम्ही महात्मा गांधींचे खरे अनुयायी आहोत. हे लोक सोनिया गांधी आणि राहुल गांधी यांच्यासारख्या बनावट गांधींचे अनुयायी आहेत.
