उन्हाळ्याच्या सुट्ट्यांमध्ये प्रवाशांची वाढलेली गर्दी लक्षात घेता, मध्य रेल्वेकडून प्रवाशांसाठी दिलासा देणारी खास व्यवस्था करण्यात आली आहे. दक्षिण भारतातील मदुराई व चेन्नई सेंट्रल येथून भगत की कोठी मार्गावर विशेष साप्ताहिक उन्हाळी रेल्वे गाड्या चालविण्यात येणार आहेत.
मदुराई – भगत की कोठी विशेष गाडी (गाडी क्र. 06067/06068)
- 06067 ही विशेष गाडी सोमवार, 21 एप्रिल रोजी मदुराई येथून सकाळी 10.45 वाजता सुटेल आणि बुधवार 12.30 वाजता भगत की कोठी येथे पोहोचेल.
- 06068 ही परतीची गाडी गुरुवार, 24 एप्रिल रोजी सकाळी 5.30 वाजता भगत की कोठी येथून सुटेल आणि शनिवार, 8.30 वाजता मदुराई येथे पोहोचेल.
या गाडीला प्रमुख स्थानकांव्यतिरिक्त अनेक शहरांमध्ये थांबे असतील, जसे की वर्धा, भुसावळ, वडोदरा, साबरमती, समदरी इत्यादी. गाडीमध्ये 6 थर्ड एसी इकॉनॉमी, 12 थर्ड एसी आणि 2 ब्रेक व्हॅन असतील.
चेन्नई सेंट्रल – भगत की कोठी विशेष गाडी (गाडी क्र. 06057/06058)
- 06057 ही विशेष गाडी चेन्नई सेंट्रलहून रात्री 7.45 वाजता सुटेल आणि मंगळवारी 12.30 वाजता भगत की कोठी येथे पोहोचेल.
- 06058 ही परतीची गाडी बुधवार, 23 एप्रिल रोजी सकाळी 5.30 वाजता भगत की कोठी येथून सुटेल आणि शुक्रवार रात्री 11.15 वाजता चेन्नई सेंट्रल येथे पोहोचेल.
या गाडीमध्ये 1 सेकंड एसी, 2 थर्ड एसी, 16 स्लीपर आणि 2 ब्रेक व्हॅन असतील. या गाडीचे थांबेही पूर्वीच्या गाडीप्रमाणेच विविध प्रमुख व लहान स्थानकांवर असतील. मध्य रेल्वे प्रशासनाने प्रवाशांना या गाड्यांच्या अचूक वेळापत्रक व थांब्यांची माहिती रेल्वेच्या अधिकृत संकेतस्थळावर पाहण्याचे आवाहन केले आहे. गर्दीच्या हंगामात ही विशेष सेवा प्रवाशांसाठी मोठा दिलासा ठरणार आहे.
