हॅलो महाराष्ट्र ऑनलाईन PMPML Buses । आषाढी एकादशी निमित्त संतश्रेष्ठ श्री ज्ञानेश्वर महाराज आणि जगद्गुरू श्री तुकाराम महाराज पालखी प्रस्थान सोहळ्यानिमित्त पुणे आणि महाराष्ट्रातून दरवर्षी हजारो भाविक एकत्र येतात. या भाविकांचा प्रवास सुखकर व्हावा, त्यांना कोणताही प्रवासाचा त्रास होऊ नये यासाठी पीएमपीएमएल प्रशासनाने अतिरिक्त बस सेवांची व्यवस्था केली आहे. त्यानुसार, आळंदी आणि देहू येथे येणाऱ्या भाविकांसाठी १,३०० हून अधिक बस फेऱ्या चालवण्यात येतील. यासाठी पीएमपीएमएलने ३१२ बसेस तैनात केल्या आहेत.
कस आहे नियोजन? PMPML Buses-
आज १६ ते २० जून दरम्यान, स्वारगेट, हडपसर, पुणे स्टेशन, पीएमसी बिल्डिंग, निगडी, भोसरी, चिंचवड आणि हिंजवडी या प्रमुख ठिकाणांहून दररोज १४६ अतिरिक्त नियमित बसेस आळंदीला धावत आहेत. देहूसाठी, पुणे स्टेशन, पीएमसी बिल्डिंग आणि निगडी येथून बसेस चालवल्या जात आहेत, ज्यामध्ये देहू मार्गावर बस क्रमांक ३७ आणि देहू आणि आळंदी दरम्यान २३ विशेष बसेस धावत आहेत. गुरुवार, १९ जून रोजी मध्यरात्री १२ वाजेपर्यंत आळंदीला जाणाऱ्या बसेस धावतील आणि शुक्रवार, २० जून रोजी पहाटे ३ वाजल्यापासून पीएमपीएमएल अतिरिक्त १६ बसेस चालवेल, ज्यामध्ये ११३ बसेस पुणे आणि पिंपरी-चिंचवडहून भोसरी आणि विश्रांतवाडी मार्गे आळंदीकडे सकाळी ५:३० वाजता सुटतील. PMPML Buses
रविवार, २२ जून रोजी, पालखी हडपसर येथे दर्शनासाठी थांबणार असल्याने, महात्मा गांधी बस स्थानकावरून दुपारी १२ ते दुपारी १ वाजेपर्यंत विविध ठिकाणी जाण्यासाठी विशेष बस सेवा चालवल्या जातील. दिवे घाट मिरवणुकीसाठी हडपसर-सासवड रस्त्यावर वाहतुकीचे निर्बंध असल्याने, पीएमपीएमएल पर्यायी म्हणून बोपदेव घाट मार्गाने ६० अतिरिक्त बसेस चालवेल. भाविकांनो, या विशेष सेवांचा वापर करा आणि पालखी सोहळा सुरक्षित आणि सुरळीत पार पाडा, आम्हाला सहकार्य करा असं आवाहन पीएमपीएमएलने (PMPML Buses) भाविकांना केलं आहे.
