नवी दिल्ली । कोरोना विषाणूमुळे देशात मागील दोन महिन्यांपासून संचारबंदी लागू आहे. लॉकडाउनमुळे अनेक उद्योग धंदे बंद आहेत. त्यामुळे देशाच्या अर्थव्यवस्थेवर त्याचा गंभीर परिणाम पडला आहे. यापार्श्वभूमीवर केंद्रीय अर्थमंत्री निर्मला सीतारमन यांच्या कामावर पंतप्रधान मोदी खुश नसल्याची चर्चा आहे. त्यामुळे सीतारामन यांची बदली होण्याची शक्यता राजकीय वर्तुळात वर्तवली जात आहे.
लॉकडाउनमुळे मंदावलेली अर्थव्यवस्था पूर्ववत करण्यात केंद्रीय अर्थमंत्री निर्मला सीतारामन कमी पडत असल्याचे उद्योगजगतात बोलले जात आहे. त्यामुळे पंतप्रधान मोदी त्यांची बदली करून नवीन चेहऱ्याला अर्थमंत्री पदाची जबाबदारी सोपवू शकतात अशी चर्च आहे. प्रख्यात बँकर के व्ही कामत यांच्या कडे अर्थमंत्री पद सोपवले जाऊ शकते अशी माहिती मिळत आहे. कामत हे आयसीआयसीआय चे माजी चेअरमन आहेत.
दरम्यान, कामतांनी एनडीबी बँकेच्या अध्यक्षपदाचा राजीनामा दिल्याने चर्चेला उधाण आले आहे. मात्र अशा प्रकारच्या चर्चा या अगोदरही अनेकदा झाल्या आहेत. त्यामुळे पंतप्रधान मोदी अर्थमंत्री सीतारामन यांना हटवून नवीन चेहऱ्याला संधी देणार का हे पाहणे औत्सुक्याचे ठरणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.