सांगली प्रतिनिधी । प्रथमेश गोंधळे
गोपीचंद पडळकर यांची विधान परिषदेवर बिनविरोध आमदार म्हणून निवड झाल्याने आनंदाचे प्रतिक म्हणून आटपाडी तालुक्यातील पडळकर कार्यकर्त्यानी घरासमोर गुढी उभाकरून सध्या पद्धतीने आनंदोत्सव साजरा केला. कोरोनाच्या पार्श्वभूमीवर कोणताही जल्लोष न करता पडळकरवाडी येथे घराणसोम गुढी उभारत आमदार गोपीचंद पडळकर यांचे स्वागत केले.
भाजपमधून गोपीचंद पडळकर विधान परिषदेसाठी बिनविरोध निवड झाल्याने त्यांच्या कार्यकर्त्यांत उत्साह संचारला आहे. सोशल मिडीयावरून कार्यकर्त्यानी गुढी उभारलेले फोटो टाकून प्रतिक्रिया विजयाच्या वक्त केल्या. सध्या कोरोना विषाणुमूळे संपूर्ण देशात लॉकडाऊन सुरू आहे. त्यामुळे संचारबंदी व जमावबंदी चे उल्लघंन न करता तालुक्यात कार्यकर्त्यानी विजयी गुढी उभा करून आनंदोत्सव साजरा केला.
यामध्ये तालुक्यातील सर्व गोपीचंद पडळकर यांच्या कार्यकर्त्यानी, भिंगेवाडीतील मुस्लिम बांधवानी, शिक्षक बँकेचे माजी अध्यक्ष यु.टी.जाधव, यांनी घरा पुढे गुढी उभाकरून स्वागत केले. पडळकरवाडी येथे गोपीचंद पडळकर यांचे निवास्थान असून त्यांचे बंधू जिल्हा परिषदेचे माजी समाजकल्याण सभापती ब्रह्मदेव पडळकर व त्यांच्या मातेाश्री यांनी सुध्दा घरापुढे गुढी उभा करून आमदाकरीचे स्वागत केले.