हॅलो महाराष्ट्र ऑनलाईन | महाराष्ट्रातील विधानसभा निवडणुकीचे निकाल आज सकाळी आठ वाजल्यापासून चालू झालेले आहे. एक हाती महायुतीची सत्ता येणार हे चित्र आता स्पष्ट दिसायला लागलेले आहे. महायुतीने विधानसभा निवडणुकीत चांगलीच बाजी मारलेली आहे. अशातच आता कराड दक्षिण मतदार संघातून एका धक्कादायक निकाल समोर आलेला आहे. तो म्हणजे आपल्या राज्याचे माजी मुख्यमंत्री पृथ्वीराज चव्हाण यांचा पराभव झालेला आहे.
कराड दक्षिण विधानसभा मतदारसंघात काँग्रेसचे उमेदवार आणि माजी मुख्यमंत्री पृथ्वीराज चव्हाण यांचा पराभव झालेला आहे. त्यांच्या विरोधात भाजपचे उमेदवार अतुल भोसले होते. निवडणुकीचा निकाल लागल्यानंतर अतुल भोसले हे सुरुवातीपासूनच आघाडीवर होते. या आधी कराड मतदार संघातून काँग्रेसचा सात वेळा विजय झालेला आहे. परंतु या वर्षी विधानसभा निवडणुकीमध्ये मात्र काँग्रेसचा चांगलाच पराभव झालेला दिसून येत आहे.
अकराव्या फेरीनंतरही भाजपचे अतुल भोसले हे जवळपास 16573 मतांनी पृथ्वीराज चव्हाण यांच्यापासून पुढे होते. त्यामुळे पृथ्वीराज चव्हाण यांचा अखेर पराभव झालेला आहे. त्यांच्या पराभवाने मात्र सगळ्यांनाच मोठा धक्का बसलेला आहे. काँग्रेस पक्षाला देखील हा एक खूप मोठा धक्का सहन करावा लागत आहे.