हॅलो महाराष्ट्र ऑनलाईन। (Rajinikanth) नुसतं थलायवा म्हटलं तरी एका सेकंदात समजतं की आपण सुपरस्टार रजनीकांत यांच्याविषयी बोलत आहोत. कारण रजनीकांत यांनी आपल्या दमदार अभिनय कौशल्याने गेली अनेक वर्ष साऊथच नव्हे तर बॉलीवूड सिनेमातही आपली छाप कायम ठेवली आहे. त्यामुळे रजनीकांत यांचा चाहता वर्ग फार विस्तारलेला आहे. शिवाय सोशल मीडियावर त्यांना फॉलो करणाऱ्यांची संख्या देखील काही कमी नाही. यामुळे रजनीकांत यांच्याविषयी सोशल मीडियावर एखादी बातमी पडली तर ती व्हायरल व्हायला अजिबात वेळ लागत नाही. अशातच त्यांची सर्वसामान्य लाईफस्टाईल दाखवणारा एक व्हिडिओ सोशल मीडियावर व्हायरल होतो आहे.
अभिनेते रजनीकांत हे भारतातील सर्वाधिक मानधन घेणाऱ्या अभिनेत्यांपैकी एक आहेत. असे असूनही त्यांचे राहणीमान मात्र अत्यंत सामान्य माणसासारखे आहे. रजनीकांत यांचा स्वतःचा एक वेगळाच स्वॅग आहे. (Rajinikanth) ज्याचे लाखो फॅन्स आहेत. दरम्यान, सोशल मीडियावर रजनीकांत यांचा एक व्हिडिओ व्हायरल होतोय. ज्यामध्ये त्यांनी आंध्र प्रदेशच्या कडापा येथून ईकोनॉमी क्लासमध्ये प्रवास केल्याचे समजत आहे. घरात श्रीमंती वाहून जात असतानासुद्धा रजनीकांत यांचं वागणं आणि राहणं अत्यंत साधं आहे. ज्यामुळे ते कायम चाहत्यांच्या मनाला स्पर्श करतात.
व्हिडीओ होतोय व्हायरल (Rajinikanth)
या व्हिडिओ बद्दल मुख्य बाब सांगायची म्हणजे, या व्हिडिओमध्ये रजनीकांत यांनी स्वतःचा चेहरा लपवण्याचा किंवा झाकण्याचा प्रयत्न केलेला नाही. इतकंच काय तर ते अतिशय आनंदाने प्रवास करताना दिसत आहेत. शिवाय एका सामान्य व्यक्तीच्या बाजूला बसून त्यांनी हा प्रवास केला आहे. यावेळी आपण एक अभिनेता आहोत किंवा प्रसिद्ध व्यक्ती याचा त्यांच्या चेहऱ्यावर अजिबात गर्व दिसत नव्हता. या फ्लाईटमध्ये चेन्नईची सेलिब्रिटी क्रिकेट टीम ‘ऱ्हायनोस’देखील उपस्थित होती. त्यांनी रजनीकांत यांच्यासोबत फोटोसुद्धा काढले.
हा व्हिडीओ अभिनेता जिवा याने सोशल मीडिया हँडल इंस्टाग्रामवर शेअर केला आहे. सोबत लिहिलंय, ‘विमानातून संपूर्ण क्रिकेट टीम खाली येईपर्यंत रजनीकांत त्यांच्यासाठी थांबले होते. यानंतर त्यांनी सगळ्यांबरोबर फोटो सुद्धा काढल’. हा व्हिडीओ पाहून नेटकऱ्यांनी रजनीकांत यांच्या बाजूच्या सीटवर बसलेल्या व्यक्तीस ‘नशीबवान’ म्हणून संबोधले आहे. अभिनेते रजनीकांत यांच्या वर्कफ्रंटबद्दल सांगायचे झाले तर, लवकरच त्यांचा ‘वेट्टयान’ हा चित्रपट येणार आहे. यामध्ये रजनीकांत यांच्यासह अमिताभ बच्चन आणि फहाद फाजील यांसारखे कलाकार दिसणार आहेत.
(Rajinikanth)