Job Requirement| सध्या अनेक तरुण वेगवेगळ्या क्षेत्रांमध्ये नोकरीच्या संधी शोधत आहेत. अशा तरुणांसाठी एक नोकरीसंदर्भात मोठी अपडेट समोर आली आहे. आता तरुणांना थेट केंद्र शासनाच्या अंतर्गत नोकरी (Job Requirement) करता येणार आहे. कारण की कोकण विभागाने 42 रिक्त पदांसाठी भरती जाहिरात प्रसिद्ध केली आहे. या भरती प्रक्रियेअंतर्गत वरिष्ठ तांत्रिक सहाय्यक, ज्युनियर तांत्रिक सहाय्यक, वरिष्ठ तांत्रिक सहाय्यक, डिझाईन असिस्टंट, तांत्रिक सहाय्यक अशी विविध रिक्त पदे भरली जाणार आहेत. त्यामुळे इच्छूक तरुणांनी याबाबत सविस्तर माहिती वाचावी.
कोकण रेल्वे विभागाकडून यापूर्वी ही भरती प्रक्रिया राबवण्यात आली होती. त्यावेळी अनेक तरुणांना रोजगार मिळाला होता. आता पुन्हा एकदा कोकण रेल्वे विभागाने रिक्त पदांसाठी भरतीची घोषणा केली आहे. या भरती प्रक्रिया अंतर्गत तब्बल 42 रिक्त पदे भरली जाणार आहेत. खास म्हणजे, या भरती प्रक्रियेसाठी येत्या 5 जून 2024 ते 21 जून 2024 दरम्यान थेट मुलाखती घेतल्या जाणार आहेत. या मुलाखतीच्या माध्यमातून उमेदवारांची निवड केली जाईल.
जे तरूण या पदावर काम करण्यासाठी इच्छुक आहेत त्यांनी एक्झिक्युटिव्ह क्लब, कोकण रेल्वे विहार, कोकण रेल्वे कॉर्पोरेशन लि. सीवूड्स रेल्वे स्टेशन, नवी मुंबई येथे 5 जून 2024 ते 21 जून 2024 मुलाखतीसाठी हजर राहावे. तसेच मुलाखतीला जाताना आवश्यक कागदपत्रे घेऊन जावीत. या भरतीसाठी आयटीआय पास असलेले तरुणही मुलाखत देऊ शकतात. (Job Requirement) अधिक माहितीसाठी इच्छुक उमेदवार https://konkanrailway.com/ या ठिकाणी देण्यात आलेली अधिसूचना वाचावी.