Reliance Defence : देशाच्या संरक्षण क्षेत्रात ऐतिहासिक घडामोड घडताना महाराष्ट्राच्या रत्नागिरी जिल्ह्याला विशेष महत्त्व प्राप्त झालं आहे. अनिल अंबानी यांच्या रिलायन्स डिफेन्स कंपनीने जर्मनीतील शस्त्रास्त्र निर्मितीत आघाडीची कंपनी Rheinmetall AG सोबत भागीदारी करत एक प्रचंड स्केलवरील बॉम्ब व दारूगोळा उत्पादन प्रकल्प उभारण्याचा निर्णय घेतला आहे.
या प्रकल्पासाठी रत्नागिरीच्या वटड औद्योगिक क्षेत्राची निवड करण्यात आली असून, येथे ‘धीरूभाई अंबानी डिफेन्स सिटी’ (Reliance Defence) नावाने ग्रीनफिल्ड युनिट उभारले जाणार आहे. हा प्रकल्प केवळ महाराष्ट्राचाच नव्हे, तर भारताच्या संरक्षण स्वावलंबनाच्या दिशेने एक महत्त्वपूर्ण टप्पा ठरणार आहे.
प्रकल्पाचे वैशिष्ट्य (Reliance Defence)
या युनिटमध्ये दरवर्षी अंदाजे 2 लाख तोफगोळे, 10,000 टन स्फोटके, आणि 2,000 टन उच्च-क्षमता प्रणोदक तयार केले जातील. ही उत्पादने भारताच्या लष्करी गरजांनुसार वापरली जातीलच, पण त्याचबरोबर जागतिक बाजारात निर्यातही केली जाणार आहे. या भागीदारीमुळे भारतात प्रथमच अशा स्केलवर तोफगोळा उत्पादनाची सुरुवात होणार आहे.
आंतरराष्ट्रीय दर्जाचा स्पर्श
जर्मनीतील Rheinmetall AG ही 170 हून अधिक देशांमध्ये कार्यरत असलेली अनुभवी कंपनी आहे, जी वर्षाला 9.8 अब्ज युरोहून अधिकचे उत्पन्न (Reliance Defence) कमवते. या भागीदारीमुळे भारताच्या संरक्षण उद्योगाला ग्लोबल मान्यता मिळण्याची वाट खुली होते.
रोहित, विराटनंतर ‘या’ बड्या अष्टपैलुचा क्रिकेटला रामराम
‘मेक इन इंडिया’ला मिळणार नवा जोर
पंतप्रधान नरेंद्र मोदींच्या ‘मेक इन इंडिया’ मोहिमेला बळकटी देणारा हा करार केवळ औद्योगिकदृष्ट्या नाही तर सामरिक आत्मनिर्भरतेच्या दृष्टीनेही मैलाचा दगड ठरणार आहे. भारताची शस्त्रास्त्र आयात कमी करून देशाला निर्यातक्षम उत्पादक देशांमध्ये सामील करण्याची शक्यता निर्माण झाली आहे.
रत्नागिरीसाठी सुवर्णसंधी (Reliance Defence)
या प्रकल्पामुळे स्थानिक पातळीवर मोठ्या प्रमाणात रोजगार संधी निर्माण होणार आहेत. हजारो तरुणांना थेट आणि अप्रत्यक्ष काम मिळेल, तर MSME युनिट्सना उपकरणे व सेवा पुरवठ्याचे नवीन मार्ग उपलब्ध होतील. रत्नागिरीसारख्या तुलनेने शांत जिल्ह्याचे नाव आता उद्योगनगरी म्हणून उजळण्याची संधी आहे.
