हॅलो महाराष्ट्र ऑनलाईन । नवीन वर्षाच्या स्वागतासाठी जिओने आपल्या ग्राहकांसाठी एक खास प्रीपेड प्लॅन आणला आहे. न्यू इयर वेलकम ऑफर या नावाने सादर केलेला हा प्लॅन 2025 रुपयांच्या किमतीत उपलब्ध होणार आहे . या प्लॅनमध्ये 200 दिवसांची व्हॅलिडिटी मिळणार आहे , तसेच यासोबत आकर्षिक ऑफर्स देखील मिळणार आहे. त्यामुळे हा प्लॅन ग्राहकांसाठी फायदेशीर ठरणार आहे.
जिओच्या प्लॅनची वैशिष्ट्ये –
या प्लॅनमध्ये ग्राहकांना अनलिमिटेड व्हॉइस कॉलिंग मिळणार आहे. ज्यामुळे कोणत्याही नेटवर्कवर कॉल करण्याची सुविधा मिळते. तसेच ग्राहकांना दररोज 100 SMS देखील दिले जातात. या प्लॅनची व्हॅलिडिटी एकूण 200 दिवस आहे, म्हणजेच दीर्घकाळासाठी कनेक्टिव्हिटीचा चांगला अनुभव मिळवता येतो. हा प्लॅन ग्राहकांना एक आकर्षक डेटा व कॉलिंग अनुभव प्रदान करतो. यात दररोज 2.5GB 4G डेटा उपलब्ध आहे, ज्यामुळे एकूण 500GB 4G डेटा मिळतो. याशिवाय अनलिमिटेड 5G डेटा देखील समाविष्ट आहे, ज्यामुळे ग्राहकांना उच्च गती इंटरनेट अनुभव मिळतो.
जास्त फायदे देणारा प्लॅन –
ग्राहकांना अनेक फायदे देखील मिळणार असून , यामध्ये 500 रुपयांचा कूपन आहे, जो 2999 रुपये किंवा त्यापेक्षा अधिकच्या खरेदीवर रिडीम करता येतो. तसेच EaseMyTrip वर 1500 रुपयांचा कूपन फ्लाइट तिकिटांवर लागू होतो आणि Swiggy वर 499 रुपये किंवा त्याहून अधिकच्या ऑर्डरवर 150 रुपयांचा कूपन मिळते . हा प्लॅन इतर प्रीपेड रिचार्ज प्लॅन्सच्या तुलनेत परवडण्याजोगा आहे, ज्यामुळे ग्राहक 450 रुपयांपर्यंतची बचत करू शकतात. यातली खास गोष्ट म्हणजे, हा प्लॅन चालू रिचार्जवर देखील सुरु होऊ शकतो. आधीचा रिचार्ज संपल्यानंतर तो आपोआप सुरु होतो. जे ग्राहकांसाठी अत्यंत सोयीस्कर आहे. ही ऑफर 11 डिसेंबर 2024 पासून 11 जानेवारी 2025 पर्यंत उपलब्ध आहे.
